Bílar

Veltir tekur við Dieci skotbómulyftara umboðinu

Kristinn Ásgeir Gylfason skrifar
Dieci Agri-Max.
Dieci Agri-Max.

Veltir hefur tekið við sem sölu- og þjónustuaðili fyrir Dieci skotbómulyftara á Íslandi. Dieci hefur áratuga reynslu í framleiðslu á hágæða byggingar- og landbúnaðartækjum síðan 1962 sem hafa reynst afar vel við íslenskar aðstæður. Dieci skotbómulyftarar og liðstýrðir skotbómulyftarar eru gríðarlega öflugir og hannaðir fyrir mikla notkun við erfiðar aðstæður.

Meðfylgjandi er fréttatilkynning frá Brimborg.

Dieci býður breiða línu tækja, yfir 75 gerðir með lyftigetu allt að 23 tonn og lyftihæð allt að 30 metrar. Aukabúnaður er fáanlegur í miklu úrvali svo sem mannkörfur, kranaspil, kranabómur, sópar og margar gerðir af skóflum sem gerir notin einstaklega fjölbreytt og eykur nýtingu tækjanna.

Veltir hefur þegar hafið sölu á Dieci skotbómulyfturum og eru fyrstu tækin væntanleg til landsins um mitt sumar en söluráðgjafar Veltis taka vel á móti gömlum og nýjum viðskiptavinum Dieci. Veltir býður þá þjónustu að eldri skotbómulyftarar eru teknir upp í kaup á nýjum. Sala á aukahlutum og fylgibúnaði fyrir Dieci skotbómulyftara er einnig hafin.

Veltir tryggir rekstraröryggi Dieci tækja með framúrskarandi varahluta-, ábyrgðar- og viðgerðarþjónustu.

Dieci Hercules.

Hjá Velti er varahlutalager til staðar fyrir Dieci og verkstæði Veltis þjónusta margvísleg atvinnutæki og þar er því til staðar mikil þekking og reynsla á þjónustu við allar gerðir atvinnutækja.

Veltir þjónustar og veitir ábyrgðarþjónustu fyrir Dieci skotbómulyftara og eru verkstæði Veltis búin nýjustu tækjum til viðgerða og þar starfa þaulreyndir starfsmenn með mikla þekkingu sem fá reglulega þjálfun. Aðgengi fyrir stærri tæki er sérlega gott þar sem myndavélavaktað athafnasvæði er rúmgott og stórar stofnbrautir liggja til og frá húsnæðinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.