Bílar

Torfærutímabilið hefst á Hellu á morgun

Kristinn Ásgeir Gylfason skrifar
Skúli Kristjánsson og Simbi á flugi. Skúli hefur titil að verja í sumar en hann er ríkjandi Íslandsmeistari í flokki sérútbúna flokknum.
Skúli Kristjánsson og Simbi á flugi. Skúli hefur titil að verja í sumar en hann er ríkjandi Íslandsmeistari í flokki sérútbúna flokknum.

Sindratorfæran fer fram um helgina á akstursíþróttasvæðinu rétt austan við Hellu. Keppt verður bæði laugardag og sunnudag. Keppnin er því fyrsta og önnur umferð Íslandsmeistaramótsins. Flugbjörgunarsveitin á Hellu og Akstursíþróttadeild ungmennafélagsins Heklu. Keppni hefst klukkan 11 báða dagana.

Eknar verða sex brautir hvorn daginn, þar á meðal verða hefðbundnari torfærubrautir, tímabrautir og svo það sem Hellukeppnirnar eru þekktastar fyrir ánna og mýrina sem eru á svæðinu. Þá má sjá bílana keyra á vatni. 

Nánari upplýsingar er að finna á Facebook-viðburðinum: Sindratorfæran á Hellu 2022.

Venju samkvæmt eru keppendur, lið og bílar búin að taka ýmsum breytingum í vetur. Helst ber þar að nefna að Haukur Viðar Einarsson, hefur ásamt liði sínu sett um 1700 hestafla mótor í Hekluna. Haukur varð þriðji í Íslandsmeistaramótinu í fyrra, en með allt þetta afl er ljóst að Haukur og Heklan ætla sér stóra hluti.

Haukur Viðar á Heklu fer væna veltu, eins og torfæruökumönnum einum er lagið.

Geir Evert Grímsson keppti á nýsmíðuðum bíl í fyrra en með vél sem var ekki ætluð bílnum og hann hefur ásamt sínu liði nú sett öflugri vél í bílinn og það má því vænta enn frekari tilþrifa frá honum.

Sindratorfæran verður haldinn af Flugbjörgunarsveitinni Hellu og Akstursíþróttanefnd Umf. HEKLU um helgina.

Guðmundur Elíasson smíðaði svo nýjan bíl í vetur. Guðmundur er einn af Víkur þríeykinu. Þeir Ingi már Björnsson og Ingar Jóhannesson eru hinir tveir keppendurnir sem búa á Vík í Mýrdal.

Þetta er í fyrsta skipti í tvö ár sem áhorfendur fá aðgang að keppninni á Hellu. Það er því von á að mikil spenna verði í fólki að koma og sjá bílana skauta yfir ánna og takast á við mýrina ásamt því að glíma við aðrar brautir. Auk þess verður keppnin í beinni útsendingu á Facebook-síðu Flugbjörgunarsveitarinnar Hellu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×