Bílar

Myndband: Framkvæmdastjóri Ford skýtur á Tesla

Kristinn Ásgeir Gylfason skrifar
F-15ö Lightning að koma út úr Rouge verksmiðjunni.
F-15ö Lightning að koma út úr Rouge verksmiðjunni.

Ford F-150 Lightning er formlega farinn í framleiðslu í hinni sögulegu Rouge verksmiðju Ford og innanhúss hjá Ford er bíllinn talinn jafn mikilvægur og Model T. Jim Farley, framkvæmdastjóri Ford skaut á Tesla við fögnuð vegna upphafs framleiðslu bílsins.

Jim Farley, framkvæmdastjóri Ford.

Þegar rétt um 31 mínúta er liðin segir Farley að það sé hægt að gera hitt og þetta með bílnum, meira að segja hlaða aðra rafbíla, fyrir vini þína sem eiga Tesla. Á 35. mínútu skýtur Farley svo aftur, á Tesla og segir að bíll Ford sé mættur í kvöld ólíkt keppinautunum og vísar þar til Cybertruck frá Tesla sem enn er óljóst hvenær fer í framleiðslu.

Ford F-150 Lightning verður búinn 10 kW aflgjafa sem Ford lýsir sem snjallaflrás á hjólum. Það er sú geta bílsins sem hefur skapað hvað mesta spennu vegna kynningar bílsins.

Yfir 200.000 bílar hafa verið fráteknir og framleiðslugeta á næsta ári verður um 150.000. Ford vill setja sig á kortið sem leiðandi rafbílaframleiðanda, fyrir pallbíla hið minnsta. Áætlanir Ford miða að því að selja tvær milljónir rafbíla á ári frá og með 2026. Frá og með 2030 vill Ford að helmingur allra seldra bíla fyrirtækisins á heimsvísu verði rafbílar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.