Bílar

Hyundai Ioniq 5 er heimsbíll ársins 2022

Kristinn Ásgeir Gylfason skrifar
Hyundai Ioniq 5.
Hyundai Ioniq 5.

Rafbíllinn Hyundai Ioniq 5 var valinn heimsbíll ársins 2022 á verðlaunahátíðinni World Car Awards sem fram fór samhliða alþjóðlegu bílasýningunni í New York. Auk þess var Ioniq 5 valinn Rafbíll ársins og hönnun ársins.

Ragnar Sigþórsson, sölustjóri Hyundai á Íslandi fyrir miðri mynd ásamt söluteymi sínu við Garðatotg í Garðabæ.

„Við erum að vonum afar ánægð með þessa miklu viðurkenningu sem Ioniq 5 hlaut í valinu World Car enda tikkar hann í öll boxin að mati bílasérfræðinga. Útlitið er í senn „80’s retro“ og mjög nýtískulegt, jafnvel framúrstefnulegt sem hefur hitt beint í mark meðal fólks, enda hafa móttökurnar verið einstaklega góðar. Bílarnir sem fáum seljast allir jafnóðum og í augnablikinu erum við með á borðinu rúmlega 200 pantaða bíla og þeir eru allir seldir,“ segir Ragnar Sigþórsson, sölustjóri Hyundai á Íslandi.

Hér er myndband af prófunum á Hyundai Ioniq 5 af YouTube rás Throttle House.

Dómnefndin á World Car Awards samanstendur af 102 bílablaðamönnum frá 33 löndum.

Sautján nýir rafbílar fyrir 2030

Hyundai Ioniq 5 kom á markað 2021 og hefur síðan þá unnið til fjölda viðurkenninga, þar á meðal sem bíll ársins í Þýskalandi og Bretlandi. Ioniq 5 er af nýrri kynslóð rafbíla á nýjum og háþróuðum undirvagni Hyundai Group, sem hyggst kynna sautján nýja rafbíla fyrir árið 2030.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.