Myndband: Nýr smart #1

Kristinn Ásgeir Gylfason skrifar 13. apríl 2022 07:00

Rafbíllinn smart #1 var frumsýndur í Berlín síðustu viku. Bíllinn verður fáanlegur bæði fjórhjóladrifinn og afturdrifinn. Uppgefin drægni er 420-440 km.

Innanrýmið er nútímalegt og skemmtilegt og býður upp á gott pláss fyrir ökumann og farþega. Bíllinn er hlaðinn tækni og hljóðkerfi frá BEATS auk 12,8“ margmiðlunarskjás í mælaborði með einstaklingsbundnu notendaviðmóti.

Myndband af YouTube-rásinni YOUCAR, þar sem smart #1 er sýndur.

Smart#1 verður meðal annars með fjarstýrðri bílastæðaaðstoð, þverumferðavara, veglínufylgd, akreinaaðstoð og 360° myndavél svo eitthvað sé nefnt.

Eftirfarandi er unnið upp úr fréttatilkynningu frá bílaumboðinu Öskju.

Bíllinn er hannaður af Mercedes-Benz Geely og framleiddur í nýrri verksmiðju smart í Kína. Bíllinn var fyrst kynntur sem hugmyndabíll á bílasýningunni í Munchen í fyrra en er nú kominn í endanlega framleiðslu.

Bílaumboðið Askja hefur hafið samstarf við smart og mun kynna smart #1 hér á Íslandi. Mercedes-Benz og Geely, einn stærsti bílaframleiðandi Kína, hófu í lok árs 2019 samstarf um þróun og framleiðslu Smart. Félögin eiga hvort fyrir sig 50% hlutdeild í fyrirtækinu. Mercedes-Benz leggur þannig til hönnun og Geely framleiðsluþekkingu og verksmiðjur.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.