Ford sækir um einkaleyfi fyrir „Drift“-stillingu

Kristinn Ásgeir Gylfason skrifar 28. mars 2022 07:01

Kerfið á bak við stillinguna notar bremsurnar til að auka „drift-ið“ eða skransið. Eins stillir kerfið inngjöfina til að halda skransinu gangandi. Ford sótti um einkaleyfið bæði fyrir rafbíla og sprengihreyfilsbíla.

Ford hefur áður notast við drift-stillingu, hún kom fyrst fram í Ford Focus RS. Skjölin sem fylgdu einkaleyfisumsókninni varpa frekara ljósi á smáatriðin. „Stjórnkerfi er notað til að bregðast við því að drift-stillingin er valin, aftengja drifhjólin og heimila hemlunum að læsa dekkjunum og taka stjórn á inngjöfinni og stilla upptakið þannig að ökumaður getur náð viðeigandi hraða til að halda skransinu gangandi,“ segir í umsókninni.

Hér má sjá myndband af YouTube rásinni Carfection, þar sem Focus RS drift-ar.

„Bifreið hefur vél með sveifarás, rafmótor með drifskafti, framenda aukahlut og með möguleikann á að rjúfa tenginguna í sveifarásnum og drifskaftinu, aflrásin mun senda aflið til viðeigandi hjóla,“ segir enn frekar í umsókninni.

Eins og stendur eru drift-stillingar í boði frá öðrum framleiðendum, til að mynda eru Mercdedes-AMG E63 og Volswagen MK8 Golf R. Þessi kerfi senda aukið afl til afturdekkjanna og eigendurnir geta því framkallað skrans á hefðmundnari hátt og í meiri takt við hreina afturhjóladrifsbíla. Kerfið sem Ford hefur hannað og óskað eftir einkaleyfi á er öðruvísi, þökk sé núningsbremsum sem eru til staðar í Ford kerfinu til að setja upp skransið.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.