Audi mögulega með pallbíl í pípunum

Kristinn Ásgeir Gylfason skrifar 19. mars 2022 07:01

Framkvæmdastjóri þýska bílaframleiðandans Audi, Markus Duesmann hefur staðfest að Audi sé að skoða að smíða pallbíl. Audi vill smíða keppinaut fyrir Ford Ranger pallbílinn.

Aðspurður hvort það væri möguleiki á Audi pallbíl, sagði Duesmann: „Ég get ekki lofað því en við erum að skoða það.“ Hann var ásamt öðrum framkvæmdastjórum Audi Goup merkjanna, Bentley, Ducati og Lamborghini að kynna ársreikning félagsins.

Ekki tókst viðstöddum blaðamönnum að draga frekari upplýsingar upp úr Duesmann eftir að hafa komið viðstöddum á óvart með þessum fréttum.

„Við munum kynna eftir ekki svo langan tíma, hugsanlega eitthvað,“ bætti Duesmann við. Hvort sem hann átti við að frumgerð af bílnum væri reiðubúin eða að hugmyndin um Audi pallbíl yrði kynnt formlega er enn óljóst.

Einn möguleikinn er að Audi nýti sambandið við Volkswagen og Audi-væði Volkswagen Amarok pallbílinn sem er byggður á Ford Ranger, sem Audi vill keppa við með sínum meinta pallbíl. Annar möguleiki er að Audi smíði bíl sem líkist meira AI:Trail hugmyndabíl sem Audi kynnti árið 2019. Sá hugmyndabíll var rafpallbíll með fjórða stigs sjálfkeyrslufærni.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.