Bílar

Nýir EQB frá Mercedes-EQ og Kia Sportage frumsýndir

Kristinn Ásgeir Gylfason skrifar
Fimmta kynslóð af Kia Sportage.
Fimmta kynslóð af Kia Sportage.

Tveir nýir bílar verða frumsýndir hjá Bílaumboðinu Öskju á morgun, laugardag kl 12-16. Um er að ræða nýjan EQB frá Mercedes-EQ og nýja kynslóð Kia Sportage.

Nýr Kia Sportage verður í boði bæði sem tengiltvinnbíll (plug-in hybrid) en einnig sem tvinnbíll (hybrid). Tengiltvinnútfærslan skilar samanlagt 265 hestöflum í gegnum öfluga 1,6 lítra bensínvél og hagkvæmum rafmótorum sem skila bílnum allt að 70 km drægi á rafmagni samkvæmt WLTP staðli.

Þetta er fimmta kynslóð Kia Sportage sem hefur selst vel hér á landi. En 3597 Sportage bílar hafa verið skráðir á Íslandi síðan í janúar 2011, samkvæmt tölfræðivef Samgöngustofu.

Frá blaðamannakynningu á Sportage.Kristinn Ásgeir Gylfason

Tölfræðin nær ekki lengra aftur í tíma. Bíllinn breytist mikið í útliti og hönnun miðað við forverann. Framendinn tengist við sportlegum hliðarsvip bílsins. Kraftalegur afturhluti og rennileg afturljós fullkomna svo fallegar formlínur og glæsileika bílsins.

Innanrýmið er nútímalegt þar sem tveir 12,3 tommu snertiskjáir gefa upplýsingar um allt sem tengist akstrinum og tengir ökumann og farþega við umheiminn í gegnum tæknivædd Kia Connect snjallforritið. Farangursrými bílsins hefur stækkað um 80 lítra frá síðustu kynslóð og er nú 591 lítrar en með því að fella aftursætin niður stækkar það í 1.780 lítra. Kia Sportage er með 7 ára ábyrgð eins og allir bílar frá Kia.

Mercedes-EQB er nýr rafbíll frá Mercedes.

Mercedes-EQB

EQB er með pláss fyrir allt að sjö manns og býður upp á gott farangursrými að auki. EQB er 100% rafbíll með allt að 474 km drægi. Hleðsluhraði er allt að 11 kW í heimahleðslu en að hámarki 100 kW í hraðhleðslu.

EQB er jafnframt í boði með 4MATIC fjórhjóladrifi. Bíllinn er með 20 cm veghæð sem gerir aðgengi mjög gott og bílstjóri og farþegar sitja hátt í bílnum. Bíllinn býður upp á mikil þægindi eins og Mercedes-Benz er von og vísa. EQB er einnig afar tæknivæddur og MBUX margmiðlunarkerfið stuðlar að þægilegri og einfaldari akstursupplifun.

Í nýjum EQB samtvinnast hönnunarþættir sem eru dæmigerðir fyrir Mercedes-EQ með fjörlegum og svipsterkum hönnunarformum. Einkennandi, svört vatnskassahlíf og samfelld ljósaröð að framan og aftan sýnir svo ekki verður um villst að EQB sver sig í ætt Mercedes EQ fjölskyldunnar.

Sýningin í Öskju fer fram á Krókhálsi 11 og Krókhálsi 13 í húsakynnum Öskju og er opið laugardag frá klukkan 12-16. Einnig verður Sportage sýndur hjá umboðsmönnum á Akureyri, Akranesi, Egilsstöðum, Reykjanesbæ og Selfossi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×