Myndband: BMW sýnir M3 Touring

Kristinn Ásgeir Gylfason skrifar 16. mars 2022 07:01

Þýski bílaframleiðandinn BMW hefur svipt hulunni af M3 Touring, M3 skutbílnum sem beðið hefur verið eftir með mikilli eftirvæntingu. M3 bílar hafa aldrei áður verið fáanlegir í skutbíla eða Touring útgáfu. Bíllinn er væntanlegur seinna á þessu ári. Afturendi bílsins sést á myndbandi sem BMW birti í gær.

Myndband sem birtist á YouTube rás BMW sýnir sögu M bíla og þar á meðal er hinn nýja Touring útgáfa. Myndbandið má sjá hér að neðan:

Touring bíllinn deilir miklu af yfirbyggingunni með stallbaknum en augljóslega þarf að taka tillit til ólíks afturenda. Afturstuðarinn er eins og sama má segja um púströrin fjögur. Framendinn á Touring bílnum sést í felulitum í myndbandinu, framstuðarinn er tekinn stallbaksútgáfunni.

BMW hefur ekki enn staðfest hvenær afhendingar byrja, en bíllinn verður líklega kynntur formlega á þessu ári. Þessi M3 Touring er sá fyrsti í röð margra væntanlegra nýrra M bíla í tilefni 50 ára afmælis M bíla. Aðrir eru til að mynda M2 Competition, léttur M4 CSL og XM jepplingur.

Vélin er sögð sú sama og er í M3 stallbaknum, þriggja lítra 473 hestafla vél með tveimur forþjöppum.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.