LiveWire ætlar að selja 100.000 rafmótorhjól á ári

Kristinn Ásgeir Gylfason skrifar 6. mars 2022 07:01

LiveWire er rafmótorhjóla angi goðsagnakendna mótorhjólaframleiðandans Harley-Davidson. Fyrirtækið ætlar sér stóra hluti í rafmótorhjólaleiknum á næstunni. Mikill vöxtur er fyrirhugaður á næstu átta árum.

Planið byrjar á SPAC samruna sem kemur félaginu á markað. Á árinu er fyrirhugað að kynna miðstærðar hjól kallað Del Mar. Hjólið er byggt á nýjum grunni sem á að nýtast við smíði nýrra rafmótorhjóla í framtíðinni.

LiveWire hjólin hafa ekki verið að seljast eins og vonir voru um. Þau eru fremur fágæt í raunheimum. Einungis nokkur þúsund seldust árið 2020 og markmiðið samkvæmt fjárfestakynningu er að selja 100.000 LiveWire hjól á ári frá árinu 2026. fyrir árið 2030 er ætlunin að vera komin upp í 190.000 hjól á ári.

Mikil eftirvænting er fyrir LiveWire hjóli sem unnið er í samstarfi við KYMCO. Hjólinu er ætlað að koma LiveWire inn í vitund kaupenda í Evrópu og Asíu og vonandi verður það markaðsettá viðráðanlegu verði.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.