Bílar

Kia EV6 valinn Bíll ársins í Evrópu

Kristinn Ásgeir Gylfason skrifar
Kia EV6 á ferð.
Kia EV6 á ferð. Bernhard Kristinn

Rafbíllinn Kia EV6 hefur verið valinn Bíll ársins í Evrópu árið 2022. Kia EV6 hefur fengið góðar viðtökur síðan hann var frumsýndur á síðasta ári.

Meðfylgjandi er fréttatilkynning frá Öskju.

Dómnefnd sem samanstóð af 59 bílablaðamönnum frá 22 Evrópulöndum valdi Kia EV6 Bíl ársins en hann hafði betur og hampaði titlinum í hörkubaráttu við Renault Megane E-Tech, Hyundai IONIQ 5, Peugeot 308, Škoda Enyaq iV, Ford Mustang Mach-E og Cupra Born. Valið um bíl ársins hefur verið haldið allar götur síðan 1965.

Ford Mustang Mach-E var meðal þeirra bíla sem komust í úrslit.Vilhelm Gunnarsson

„Kia á þetta sannarlega skilið því það hefur verið unnið ötullega að því að gera Kia EV6 að því sem hann er. Framfarir Kia eru miklar og það skilar sér í þessum sigri,“ segir Frank Janssen, forseti Car of the Year verðlaunanna. Myndband af verðlaunaafhendingunni má sjá hér að neðan.

Kia EV6 hefur allt 528 km drægi á rafhlöðunni og getur hlaðið 10-80% á aðeins 18 mínútum. Hvort tveggja er með því besta sem þekkist í rafbílaheiminum. „Það er gríðarlega mikill heiður að vinna Bíl ársins 2022. Þetta er í fyrsta skipti sem bíll frá Kia vinnur til þessara virtu verðlauna. Kia EV6 er tímamótabíll og bíður upp á allt það besta sem rafbíll,“ segir Jason Jeong, forstjóri hjá Kia Europe.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×