Körfubolti

Stólarnir áttu ekki í vandræðum með nýliðana

Hjörtur Leó Guðjónsson skrifar
Tindastóll vann góðan sigur gegn Vestra í kvöld.
Tindastóll vann góðan sigur gegn Vestra í kvöld. Vísir/Hulda Margrét

Tindastóll vann öruggan 19 stiga sigur er liðið heimsótti Vestra í Subway-deild karla í körfubolta í kvöld, 107-88.

Nokkuð jafnræði var með liðunum í upphafi leiks, en að fyrsta leikhluta loknum var staðan 22-19, Tindastól í vil.

Gestirnir frá Sauðárkróki skiptu svo um gír í öðrum leikhluta og náðu upp góðu forskoti. Þeir fóru því inn í hálfleikinn með 14 stiga forystu, staðan 54-40.

Stólarnir juku forskot sitt svo enn frekar í þriðja leikhluta og sáu til þess að lokaleikhlutinn var í raun bara formsatriði. Tindastóll vann að lokum öruggan 19 stiga sigur, 107-88.

Sigtryggur Arnar Björnsson átti flottan leik í liði Tindastóls, en hann skoraði 32 stig, tók fimm fráköst og gaf sex stoðsendingar. Í liði Vestra var Marko Jurica atkvæðamestur með 26 stig, þrjú fráköst og tvær stoðsendingar.

Subway-deildirnar í körfubolta eru á Stöð 2 Sport en upplýsingar um útsendingar má finna hér. Subway-deildin er hluti af Stöð 2 Sport Ísland sem kostar 3.990 krónur á mánuði.




Fleiri fréttir

Sjá meira


×