Toyota með flestar nýskráningar í janúar

Kristinn Ásgeir Gylfason skrifar 3. febrúar 2022 07:01

Toyota var mest selda tegundin í janúar.

Toyota nýskráði 129 ný ökutæki á fyrsta mánuði ársins. Þar af voru 109 fólksbifreiðar og 20 sendibifreiðar. Land Cruiser var mest selda undirtegundin með 35 eintök seld. Upplýsingar eru fengnar af vef Samgöngustofu.

Sala nýrra ökutækja jókst um 43% á milli ára. Nýskráð ökutæki í janúar í fyrra voru 835 og í ár voru nýskráningar á fyrsta mánuði ársins 1195.

Fjöldi nýskráninga í janúar eftir tegundum.

Hyundai er í örðu sæti í janúar í ár með 93 nýskráningar, Kia í þriðja sæti með 86 eintök skráð. Mitsubishi var svo í fjórða sæti með 86 eintök skráð, öll eintökum voru Eclipse Cross, sem einng var mest selda undirtegundin í janúar.

Orkugjafar

Hreinir rafbílar voru algengasti orkugjafinn í nýskráðum bílum í janúar. Samtals voru 340 hreinir rafbílar nýskráðir í janúar. Þar af voru flestir af gerð Kia EV6 eða 65 bílar og Skoda Enyaq 80X var í öðru sæti með 24 seld eintök.

Fjöldi nýskráninga í janúar eftir orkugjöfum.

Tengiltvinnbílar sem ganga fyrir bensíni og rafmagni voru næst vinsælasti kosturinn í janúar, með 273 nýskráningar. Þar vegur Eclipse Cross þyngst með sín 86 eintök.

Hreinir bensínbílar voru í þriðja sæti með 159 eintök skráð. Skráningar þar dreifast talsvert en Hyundai i20 og i10 eru efstir með 17 og 15 eintök skráð.

Vistvænir bílar, eða bílar sem ganga fyrir rafmagni að einhverju eða öllu leyti ásamt metan og vetnis bílum voru talsvert algengari kaup í janúar en hefðbundnir bensín- eða dísilbílar. Vistvænir bílar seldust í 734 eintökum en bensín- og dísilbílar í 303 eintökum.

Samgöngustofa uppfærði nýlega vef sinn og nú þægilegra að leita upplýsinga, auk þess sem upplýsingarnar uppfærast örar.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.