Innlent

Hilda Jana vill á­fram leiða lista Sam­fylkingarinnar á Akur­eyri

Atli Ísleifsson skrifar
Hilda Jana Gísladóttir bæjarfulltrúi Samfylkingarinnar á Akureyri.
Hilda Jana Gísladóttir bæjarfulltrúi Samfylkingarinnar á Akureyri. Samfylkingin

Uppstillingarnefnd hefur verið falið að stilla upp lista Samfylkingarinnar á Akureyri fyrir komandi sveitarstjórnarkosningar sem fram fara í maí næstkomandi. Þetta var ákveðið á almennum félagsfundi flokksins í gærkvöldi.

Í tilkynningu frá stjórn Samfylkingarinnar á Akureyri segir að Hilda Jana Gísladóttir bæjarfulltrúi hafi tilkynnt á fundinum að hún vilji áfram leiða flokkinn á Akureyri.

„Í uppstillingarnefnd voru kjörin þau Unnar Jónsson, Albertína Friðbjörg Elíasdóttir og Arnar Þór Jóhannesson. Uppstillingarnefnd mun leggja fram tillögu sína á almennum félagsfundi þann 24. febrúar n.k.

Fundurinn var vel sóttur og greina mátti spennu og eftirvæntingu fyrir kosningunum í vor. Í almennum umræðum sem fram fóru í kjölfar ákvörðunar um uppstillingu listans kom fram mikil ánægja með störf bæjarfulltrúa og annarra kjörinna fulltrúa Samfylkingarinnar við krefjandi aðstæður á kjörtímabilinu sem senn rennur sitt skeið á enda,“ segir í tilkynningunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.