Sigrún ákvað að láta gott af sér leiða eftir erfiðan föðurmissi

Stefán Árni Pálsson skrifar 18. janúar 2022 12:30

Sigrún var lengi vel ein besta frjálsíþróttakona landsins.

„Miðillinn er bara í rauninni mitt áhugamál og ég hef mikinn áhuga á andlegri og líkamlegri heilsu,“ segir Sigrún Fjeldsted Sveinsdóttir í þættinum Spegilmyndin sem er í umsjón Marínar Möndu Magnúsdóttur og var þátturinn á dagskrá á Stöð 2 í gær.

Sigrún er markþjálfi og heldur úti Instagram-síðunni andleg og líkamlega heilsa. Þar hvetur hún fólk til þess að hreyfa sig í þrjátíu mínútur á dag.

Þættirnir fjalla um allt sem tengist því nýjasta í lýtalækningum, heilsu, mataræði, umhirðu húðar og öðru sem tengist fegurð. Í þættinum í gær var fjallað um heilsu og hreyfingu.

„Þarna er ég bæði að deila efni frá mér persónulega og því sem ég er að grúska í.“

Sigrún setti á laggirnar áskorun á Instagram sem nefnist #3030heilsa.

„Ég byrjaði á þessu fyrir tveimur árum því ég vildi vekja athygli á samspili andlegrar og líkamlegrar heilsu og þetta var í kringum alþjóðlegan forvarnardag gegn sjálfsvígum sem er alltaf haldinn í september. Ég missi pabba minn 2007 úr sjálfsvígi og ákvað einn daginn að ég skyldi láta þennan atburð gott af sér leiða.“

Hér að neðan má sjá brot úr þættinum í gær.

Klippa: Skorar á fólk að hreyfa sig á hverjum degi

Spegilmyndin Heilsa

Tengdar fréttir

Helstu tískustraumar í förðun

Í gær fór í loftið nýr þáttur á Stöð 2 sem ber heitið Spegilmyndin og er í umsjón Marínar Möndu Magnúsdóttur.

11. janúar 2022 12:30

„Fegurð er bara allskonar og fjölbreytileikinn er lang fallegastur“

„Þetta eru mannlífsþættir á léttu nótunum og snúast um heilsu - og fegrunargeirann hér á landi,“ segir Marín Manda Magnúsdóttir um nýju lífsstílsþættina sína Spegilmyndin. Fyrsti þáttur er sýndur á Stöð 2 í kvöld.

10. janúar 2022 18:16

Fólk stökk upp úr sófanum eftir að hafa séð Sigrúnu hreyfa sig í rigningunni

„Þetta gengur út á að gera skuldbindingu við sjálfan sig um að hreyfa sig í 30 mínútur á hverjum degi í þrjátíu daga,“ segir þjálfarinn og markþjálfinn Sigrún Fjeldsted um áskorunina #3030.

2. september 2021 13:46

„Allir ættu að eiga 30 mínútur á dag til þess að hlúa að heilsu sinni“

Síðustu daga hefur áskorunin #3030heilsa vakið mikla athygli á samfélagsmiðlum. Á bak við þetta átak er náms- og starfsráðgjafinn Sigrún Fjeldsted, fyrrum afrekskona í frjálsum íþróttum. Þetta framtak hennar gengur út á að hreyfa sig í 30 mínútur á hverjum degi í 30 daga.

21. september 2020 12:02