Heimsmarkmiðin

Skattaafsláttur fyrir stuðning við almannaheillastarfsemi

Heimsljós
gunnisal

Lögin veita bæði einstaklingum og fyrirtækjum sem styrkja UN Women, færi á að lækka skatta sína.

UN Women vekur athygli á því að þeir einstaklingar sem styrkja almennaheillastarfsemi eins og UN Women á Íslandi – að lágmarki um tíu þúsund krónur á ári – geta nýtt framlag sitt til þess að lækka skattstofn sinn og þannig fengið hluta fjárhæðarinnar til baka gegnum endurgreiðslu skatta. Þessi breyting varð með nýjum lögum um skattalega hvata til almannaheillastarfsemi sem samþykkt voru 1. nóvember á síðasta ári.

Lögin veita bæði einstaklingum og fyrirtækjum sem styrkja UN Women eða önnur félög eða stofnanir sem sinna almennaheillastarfsemi færi á því að lækka skatta sína. Hámarksskattafsláttur hjá einstaklingi fæst fyrir 350.000 króna framlag. Fyrir hjón er sú upphæð 700.000 krónur.

„Þetta þýðir einnig að ljósberar geta hækkað núverandi framlag sitt, án þess í raun að greiða meira; UN Women hlýtur hærri styrk en gefandinn greiðir í raun áfram sömu upphæð þegar endurgreiðslan hefur skilað sér,“ segir í frétt UN Women.

„Það hefur því aldrei verið jafn auðvelt að styrkja okkar góða starf og láta gott af sér leiða. Við hvetjum sem flesta til þess að skrá sig sem ljósbera með því að smella hér og byrja að nýta sér skattaafsláttinn til góðra verka. UN Women sér síðan um að koma öllum upplýsingum til skattsins ár hvert.“

Frádráttur fyrirtækja getur numið 1,5% af rekstrartekjum á því ári sem gjöf er afhent eða framlag er veitt. „Þetta gefur þess vegna fyrirtækjum tækifæri á að taka þátt í starfi UN Women og njóta skattaafsláttar á sama tíma,“ segir í fréttinni.

Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.