Volkswagen íhugar skráningu rafhlöðueiningar á markað
Kristinn Ásgeir Gylfason skrifar
Volkswagen ID.4 1ST Max
Volkswagen ætlar að koma allri rafhlöðuframleiðslu sinni í eitt evrópskt rafhlöðufyrirtæki. Því verður ætlað að framleiða rafhlöður í sex verksmiðjum fyrir lok 2030. Þar sem útkoman eru um 240GWh á ári. Stjórnarmaður félagsins hefur þegar sagt að hugsanlega verði utanaðkomandi gert kleift að fjárfesta í félaginu.
Nýjustu fregnir herma að Volkswagen sjái jafnvel fyrir sér að setja rafhlöðufélagið á markað. Volkswagen hafi jafnvel hug á því þegar fram líða stundir að eiga einungis minnihluta í félaginu.
Þessar vangaveltur koma í kjölfar orða Thomas Schmall, stjórnarmanns í Volkswagen AG og framkvæmdastjóra Volkswagen Group Components í samtali við dagblaðið Frankfurter Allgemeine Sinntagszeitung.
„Ef sala rafbíla þróast eins og við reiknum með myndi það vera skynsamlegt að taka inn utanaðkomandi fjárfesta. En við myndum vilja vera við stýrið,“ sagði Schmall.
Thomas Schmall, stjórnarmaður í Volkswagen AG og framkvæmdastjóri Volkswagen Group Components
„Það þarf ekki endilega að þýða að við þurfum meirihluta,“ bætti hann við. Volkswagen gæti haldið í stjórnartaumana með auknu atkvæðavægi hluta.
Með öðrum orðum þá mun innanhúsframleiðsla Volkswagen á rafhlöðum starfa sem dótturfélag, en í framtíðinni gæti það orðið einskonat birgi með tengingu.
Þetta er sérstaklega áhugavert í ljósi nýlegra frétta af því að BMW segir of snemmt að veðja á innanhúss rafhlöðuframleiðsluað taka ákvörðun um að hefja eigin rafhlöðuframleiðslu.
BMW hefur hingað til ekki viljað fjárfesta í eigin rafhlöðuframleiðslu. Fyrirtækið hefur sagt að það sé of snemmt að stækka innanhúss rafhlöðuframleiðslu sína þar til tæknin er orðin þróaðri.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
