Matvælastofnun hefur varað við neyslu hrökkbrauðs frá fyrirtækinu Sigdal Bakeri. Rotvarnarefnið ethyline oxide fannst í hráefni sem notað var við framleiðslu á hrökkbrauðinu. Ólöglegt er að nota efnið við matvælaframleiðslu í Evrópu.
Innköllunin tekur til hrökkbrauðs sem ber heitið „Hrökkbrauð - Jurtir & sjávarsalt frá fyrirtækinu Sigdal Bakeri með best fyrir dagsetningarnar 6. janúar til 18. febrúar og 26. mars til 18. júlí á þessu ári.
Þá fellur varan „Crunchy Crackers - Herbs & Sea Salt“ frá sama fyrirtæki einnig undir innköllun MAST, með sömu best fyrir dagsetningar og hrökkbrauðið hér að ofan.
Þeir sem keypt hafa annaðhvort hrökkbrauðið eða kexið er bent á að neyta þess ekki. Hægt er að skila hrökkbrauðinu í þá búð sem það var keypt gegn endurgreiðslu eða skipti á sams konar vöru. Þetta kemur fram í tilkynningu frá Danól, innflytjanda vörunnar.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
