Fótbolti

Norðankonur sækja liðsstyrk til Bandaríkjanna

Arnar Geir Halldórsson skrifar
Úr leik hjá Þór/KA í fyrra.
Úr leik hjá Þór/KA í fyrra.

Þór/KA tilkynnti um nýjan leikmann á Gamlársdag.

Bandaríski varnarmaðurinn Brooke Lampe hefur skrifað undir tveggja ára samning við Akureyrarliðið og er ætlað að styrkja liðið í baráttunni í A-deildinni næsta sumar.

Í tilkynningu Þórs/KA segir að Brooke spili sem miðvörður en sé jafnframt fjölhæfur leikmaður sem geti leyst ýmsar stöður.

Hún kemur beint úr háskólaboltanum í Bandaríkjunum og er væntanleg til Akureyrar á næstu vikum.

Þór/KA hafnaði í sjötta sæti efstu deildar á síðustu leiktíð en hefja næsta tímabil á því að heimsækja Breiðablik þann 27.apríl næstkomandi.

Íslenski boltinn Þór Akureyri KA

Mest lesið


Fleiri fréttir

Sjá meira


×

Mest lesið