Lífið

Vand­ræða­leg ræða í heim­komu­partí þar sem Steinunn fer á kostum

Stefán Árni Pálsson skrifar
Steinunn fer með hlutverk móður Anítu í þáttunum. 
Steinunn fer með hlutverk móður Anítu í þáttunum. 

Á jóladag var frumsýndur á Stöð 2 fyrsti þátturinn af Svörtu söndum, í leikstjórn Baldvin Z en þættirnir eru framleiddir af Glassriver. Áhorfendur Stöðvar 2 fengu einn þátt á jóladag og síðan aftur þátt á öðrum degi jóla.

Næstu sex þættir verða síðan á dagskrá á sunnudagskvöldum en serían er í heild sinni átta þættir. Handritshöfundar þáttanna eru Baldvin Z, Aldís Amah Hamilton og Ragnar Jónsson lögreglumaður.

Aldís fer sjálf með aðalhlutverkið í þáttunum, hlutverk Anítu. Með önnur helstu hlutverk fara Þór Tulinius sem Ragnar, Steinunn Ólína Þorsteinsdóttir sem Elín, Ævar Þór Benediktsson sem Gústi og Kolbeinn Arnbjörnsson sem Salomon.

Svörtu sandar fjalla um Anítu, þrítuga lögreglukonu, sem neyðist aftur á æskuslóðirnar sem hún flúði fyrir 14 árum. Uppgjör við móður hennar er óumflýjanlegt en líkfundur af ungri konu kollvarpar öllu. Aníta sogast niður dimman hyl fortíðar í leit að mögulegum fjöldamorðingja og uppgjörið breytist í martröð.

Steinunn Ólína fer á kostum í hlutverki móður lögreglukonunnar Anítu í þáttunum. Í öðrum þætti heldur hún heimkomupartí fyrir Anítu og flytur vægast sagt vandræðalega ræðu undir áhrifum áfengis. Aníta hafði margbeðið móður sína um að sleppa því að halda teitið en hér að neðan má sjá þegar Steinunn Ólína fer hreinlega á kostum í síðasta þætti.

Næsti þáttur er á sunnudagskvöldið klukkan 20:50.

Í hlaðvarpsþáttunum Sandkorn er fjallað um hvern einasta þátt og kemur hlaðvarpið út vikulega. Hlusta má á annan þátt hér að neðan.

Baldvin Z leikstjóri og Tómas Valgeirsson bíófíkill grandskoða annan þáttinn þar sem  rauðsíldarpælingar eru teknar á næsta stig á meðan andrúmsloftið á Glerársandi kraumar enn fremur með partíhaldi í nánd. Þeir ræða einmitt þetta umrædda heimkomupartí í þættinum hér að neðan. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.