Innlent

Tuttugu og tvö prósent kjós­enda VG mjög ó­á­nægð með ríkis­stjórnina

Gunnar Reynir Valþórsson skrifar
Ríkisráðsfundur á Bessastöðum, gamla stjórnin kveður og ný tekur við.
Ríkisráðsfundur á Bessastöðum, gamla stjórnin kveður og ný tekur við. Vísir/Vilhelm Gunnarsson

Ný ríkisstjórn Sjálfstæðisflokks, Framsóknarflokks og Vinstri-grænna fellur vel í kramið hjá minna en helmingi landsmanna ef marka má nýja könnun sem Prósent gerði fyrir Fréttablaðið.

Þar er fólk spurt hversu vel sér lítist á nýju stjórnina og segja 42 prósent aðspurðra að sér lítist mjög vel eða fremur vel á stórnina. 37 prósent segja að sér lítist fremur illa eða mjög illa á hana og 21 prósent svarar hvorki né. 

Ef skoðað er hvaða flokka fólk kaus í síðustu kosningum kemur í ljós að þeir sem kusu Sjálfstæðisflokkinn eru afar ánægðir með stjórnina og stuðningurinn er einnig mikill hjá Framsóknarfólki. 

Andstaðan er hinsvegar mun meiri hjá Vinstri grænum þar sem 22 prósent þeirra sem segjast hafa kosið flokkinn síðast segjast vera mjög óánægðir með stjórnina. 53 prósent kjósenda VG segjast þó ánægðir með ráðahaginn. 

Velþóknun á stjórninni er síðan langminnst hjá yngri kjósendum en eykst síðan töluvert þegar í efri aldurshópa er komið og þá eru landsbyggðarmenn sáttari við nýju stjórnina en þeir sem búa á höfuðborgarsvæðinu.

Umfjöllun Fréttablaðsins.

Alþingiskosningar 2021 Skoðanakannanir Vinstri græn Ríkisstjórn Katrínar Jakobsdóttur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið