Myndband: Model Y spyrnir við Mustang Mach-E GT

Kristinn Ásgeir Gylfason skrifar 26. nóvember 2021 07:01

Skjáskot úr Youtube myndbandi þar sem Mustang Mach-E og Model Y spyrna.

Báðir bílar fara úr kyrrstöðu í 100 km/klst á um 3,5 sekúndum. Spyrnan ætti því að vera afar spennandi. Myndband má finna í fréttinni.

Báðir bílarnir eru hraðskreiðustu útgáfur af hvorri gerð. Tesla Model Y Performance er léttari, hann er 2004 kg. og Mustang-inn er 2266 kg. Mustanginn er með stærri rafhlöðu eða 99 kWh og Model Y er með 80 kWh rafhlöðu.

Í fyrstu tilraun fór Mach-E hraðar af stað sem að einhverju leyti útskýrist af slakari viðbrögðum Tesla ökumannsins, sem þó að endingu náði fram úr og kom á undan í mark.

Seinni spyrnan fór enn betur af stað fyrir Mustang-inn en samt hafði Tesla-n betur. Þriðja keppnin var svo með rúllandi ræsingu frá um 50 km/klst. Tesla-n skyldi Mustang-inn eftir.

Einhverjar skýrslur hafi verið gefnar út um að Mustang-inn slái af þegar nokkrar sekúndur eru liðnar vegna þess hve mikill hiti myndast í aflrásinni. Þetta hefur ekki enn verið staðfest hvort það verði hægt að fá hugbúnaðaruppfærslu þegar fram líða stundir til að loka á þennan meinta útslátt.

Vistvænir bílar Tesla

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.