Bílar

Solterra frumraun Subaru í rafbílaframleiðslu

Kristinn Ásgeir Gylfason skrifar
Subaru Solterra, frumraun Subaru í rafbílaframleiðslu.
Subaru Solterra, frumraun Subaru í rafbílaframleiðslu.

Subaru kynnti í vikunni rafjepplinginn Solterra, bíllinn er ávöxtur samstarfs Subaru og Toyota. Rétt eins og þegar Subaru og og Toyota framleiddu eins bíla í BRZ og GT86 þá eru þessir bílar, Solterra og Toyota bZ4X nánast alveg eins.

Solterra verður til í framhjóla- og fjórhjóladrifs útgáfum, hann verður 210 hestöfl í framhjóladrifsútgáfu og 214 hestöfl með fjórhjóladrifi. Útgáfurnar eru sitthvoru megin við 2 tonn, augljóslega er framhjóladrifs bíllinn talsvert léttari, eða 90 kg. léttari.

Innra rými í Subaru Solterra.

Drægni og rafhlaða

Framhjóladrifsbíllinn mun komast um 530 km á fullri hleðslu en fjórhjóladrifsbíllinn mun komast um 460 km. Báðar útfærslur munu nota sömu 71,4 kWh rafhlöðurnar.

Bæði Toyota og Subaru eru frekar sein í rafjepplinga-leikinn. Sameinaðir kraftar þeirra eru þó frekar áhugaverð blanda. Fáir ef einhverjir framleiðendur vita meira um fjórhjóladrif en Subaru. Á meðan Toyota hefur varið síðustu þremur áratugum í að fullkomna rafhlöðutækni, sem hefur hingað til nýst tvinnbílum þeirra.

Solterra séður frá hlið.

Sagt hefur verið um þessa rafhlöður að þær muni einungis missa 10% af getu sinni á tíu árum eða 240.000 km. Það er eitthvað sem er nánast óþekkt í þessum bransa. Þá getur Solterra (og bZ4X) tekið inn 150 kW hleðslu og þar með hlaðið upp í um 80% drægni á hálftíma.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.