Innlent

Hættir í vor eftir um fimm­tán ár í stóli bæjar­stjóra Mos­fells­bæjar

Atli Ísleifsson skrifar
Haraldur Sverrisson hefur átt sæti í bæjarstjórn Mosfellsbæjar frá árinu 2002. Hann tók við starfi bæjarstjóra árið 2007.
Haraldur Sverrisson hefur átt sæti í bæjarstjórn Mosfellsbæjar frá árinu 2002. Hann tók við starfi bæjarstjóra árið 2007. Vísir/Vilhelm

Haraldur Sverrisson, bæjarstjóri í Mosfellsbæ, mun ekki gefa kost á sér til áframhaldandi setu í bæjarstjórn í sveitarstjórnarkosningum sem haldnar verða í maí á næsta ári.

Mosfellingur greinir frá þessu og vísar í orð Haraldar á fundi fulltrúaráðs Sjálfstæðisfélaganna í Mosfellsbæ í gærkvöldi. 

Haraldur hefur verið oddviti Sjálfstæðismanna í bænum, setið í bæjarstjórn frá árinu 2002 og gegnt embætti bæjarstjóra frá árinu 2007.

Haft er eftir Haraldi að hann hafi verið búinn að hugsa það með sjálfum sér fyrir fjórum árum að þetta yrði hans síðasta kjörtímabil í bæjarstjórn Mosfellsbæjar. Þetta hafi verið afskaplega skemmtilegur og gefandi tími.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.