Atvinnulíf

Fimm frægir frumkvöðlar um mistök í starfi

Rakel Sveinsdóttir skrifar
Fimm af frægustu frumkvöðlum heims: Steve Jobs, Oprah Winfrey, Vera Wang, Henry Ford og Thomas Edison segja öll að það megi læra mikið á mistökum sem við gerum í starfi.
Fimm af frægustu frumkvöðlum heims: Steve Jobs, Oprah Winfrey, Vera Wang, Henry Ford og Thomas Edison segja öll að það megi læra mikið á mistökum sem við gerum í starfi. Vísir/Getty

Thomas Edison, Henry Ford, Oprah Winfrey, Steve Jobs og Vera Wang.

Að læra af mistökum sínum segir orðatiltækið góða en hér eru tilvitnanir í fimm fræga frumkvöðla og hvað þeir hafa sagt um það að gera mistök.

Thomas Edison

Margir þekkja eftirfarandi tilvitnun í Edison, frumkvöðulinn sem fann upp ljósaperuna:

„Mér hefur ekki mistekist. Ég fann bara 10 þúsund leiðir sem virka ekki.“ 

(e. „I have not failed. I‘ve just found 10.000 ways that won‘t work.“)

Önnur tilvitnun í Edison er einnig góð, en þar segir hann:

„Mörg stór mistök felast í því að fólk gefst upp án þess að gera sér grein fyrir því hvað það var nálægt því að takast tilætlunarverk sitt.“ 

(e. „Many of life‘s failures are people who did not realize how close they were to success when they gave upp.“)

Thomas Alva Edison (1847-1931) og teymið hans vann að þúsundum tegunda ljósapera áður en þeim loksins tókst að skapa ljósaperuna sem virkar.Vísir/Getty

Henry Ford

Bílaframleiðandinn Henry Ford sagði eitt sinn:

„Mistök eru einfaldlega tækifæri til að byrja aftur og í það skiptið með enn skynsamlegri hætti.“ 

(e. Failure is simply the oppurtunity to begin again, this time more intelligently.“)

Henry Ford (1863-1947) í fyrsta bílnum sem hann smíðaði. Vísir/Getty

Oprah Winfrey

Þegar að Oprah Winfrey stofnaði sitt eigið sjónvarpsfyrirtæki, hlaut hún nokkra gagnrýni og það tók tíma fyrir hana að koma því fyrirtæki á legg.

Í viðtali um þennan tíma sagði Oprah:

„Það er ekkert til sem heitir mistök. Mistök eru í raun alheimurinn að stýra okkur í aðra átt.“ 

(e. „There is no such thing as failure. Failure is just life trying to move u sin another direction.“)

Í gegnum tíðina hefur Oprah Winfrey alltaf verið opinská um ýmsar hindranir og erfiðleika sem hún hefur þurft að takast á við í sínu lífi og starfi.Vísir/Getty

Steve Jobs

Steve Jobs viðurkenndi að hafa upplifað það sem mikla skömm þegar hann var rekinn á sínum tíma frá Apple, fyrirtækinu sem hann hafði stofnað og byggt upp. Hann neitaði hins vegar að láta þá skömm eða vanlíðun, skilgreina sig og sína framtíð.

Um mistök sagði Jobs: 

„Stundum þegar þú býrð eitthvað til, gerir þú mistök. Þá er best að viðurkenna mistökin og halda áfram að bæta um betur í öðru sem þú ert að vinna að.“ 

(e. „Sometimes when you innovate, you make mistakes. It is best to admit them quickly, and get on with improving your other innovations.“)

Steve Jobs (1955-2011) var annar af tveimur stofnendum Apple árið 1976. Hann var þó rekinn þaðan árið 1985 en sneri þangað aftur tólf árum síðar þegar að Apple keypti fyrirtækið hans NeXT. Vísir/Getty

Vera Wang

Tískuhönnuðurinn Vera Wang hefur upplifað ýmsar hindranir í starfi. Til dæmis var hún tískuritstjóri hjá Vogue í 15 ár en hætti þar eftir að vera synjað um stjórnunarstöðu þar.

Um árangur í starfi hefur Wang sagt:

„Að ná langt snýst ekki um útkomuna heldur það hvað þú hefur lært á leiðinni.“ 

(e. „Success isn‘t about the end result; it‘s about what you learn along the way.“)

Vera Wang er hér á tískusýningunni sinni í New York árið 2020. Wang hefur sagt frá ýmsum hindrunum í sínum lífi. Til dæmis í starfi sínu hjá Vogue og eins náði hún ekki á Ólympíuleikana í skautum þegar hún reyndi það 15 ára gömul.Vísir/Getty

Tilvitnanir fengnar úr samantekt á vefsíðu bandaríska viðskiptaráðsins.


Tengdar fréttir

Fimm bækur á lestrarlista Bill Gates í sumar

Eflaust teljast hjónaskilnaðarfréttir Bill Gates til mun vinsælli frétta en bókaáhugi Gates. Gates birtir þó reglulega bókalista á bloggsíðunni sinni, með bókum sem hann mælir sérstaklega með. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.