Lífið

Stóra sviðið: Sjáðu stutt­myndir Audda og Steinda

Vésteinn Örn Pétursson skrifar
Steindi fer með hlutverk manns sem lendir í miklum hrakförum eftir samskipti sín við trúð í barnaafmæli.
Steindi fer með hlutverk manns sem lendir í miklum hrakförum eftir samskipti sín við trúð í barnaafmæli.

Skemmtiþættirnir Stóra sviðið hófu göngu sína á Stöð 2 í gær. Í þáttunum eiga þeir Auðunn Blöndal og Steinþór Hróar Steinþórsson, iðulega þekktir sem Auddi og Steindi, að leysa ýmsar þrautir í samvinnu við gesti þáttanna.

Steinunn Ólína Þorsteinsdóttir er stjórnandi þáttanna, sem eru teknir upp fyrir framan áhorfendur í sal.

Meðal verkefna sem lögð voru fyrir í fyrsta þætti var gerð stuttmyndar. Auddi gerði stuttmyndina Sauður, með dyggri aðstoð Önnu Svövu Knútsdóttur. Stuttmyndin fjallar um sauðfjárbónda sem verður fyrir því óláni að riða greinist á bænum hans. Hana má sjá hér að neðan.

Steindi gerði þá stuttmynd um mann sem lendir í heldur skuggalegri atburðarás eftir að hafa pantað trúð í barnaafmæli. Sjón er sögu ríkari, en þá mynd má sjá hér að neðan.

Eftir að myndirnar tvær voru sýndar var það undir áhorfendum í sal komið að kjósa um hvor myndin hefði sigur. Svo fór að mynd Audda hlaut meiri hylli áhorfenda í sjónvarpssal. En þá er spurningin, hvor myndin er betri að mati lesenda Vísis?






Fleiri fréttir

Sjá meira


×