Bílar

Rafael Nadal hvetur fólk til að eiga rafbíla

Kristinn Ásgeir Gylfason skrifar
Rafael Nadal fær EV6 afhendan.
Rafael Nadal fær EV6 afhendan.

Tennisleikarinn heimsþekkti Rafael Nadal hvetur fólk til að eignast rafbíla og keyra um á umhverfismildari hátt. Nadal fékk afhentan nýjan Kia EV6 rafbíl við hátíðlega athöfn í heimabæ tenniskappans í Manacor á Mallorca. Nadal mun nota bílinn á ferðalögum sínum og tenniskeppnum víða í Evrópu.

Meðfylgjandi er fréttatilkynning frá Öskju.

„Ég þarf að ferðast mikið vegna vinnu minnar sem tennisleikari og því er ég mjög ánægður að fá til afnota jafn glæsilegan og umhverfismildan bíl og Kia EV6. Ég vil hvetja fólk til aka á rafbílum því þetta er mun umhverfismildari ferðamáti. Ég hlakka til að aka þessum nýja EV6 rafbíl og leggja þannig mitt af mörkum til umhverfisvænni aksturs,“ segir Nadal.

Evrópufrumsýning á hinum nýja og spennandi Kia EV6 var var haldin á sama tíma á Mallorca. Bíllinn verður frumsýndur hér á landi 20. nóvember. Mikil eftirvænting ríkir fyrir komu bílsins og hefur forsala gengið vel samkvæmt upplýsingum frá Öskju, umboðsaðila Kia.

Kia EV6 á ferð.Bernhard Kristinn

Kia EV6 rafbíll mun hafa allt að 528 km drægni samkvæmt WLTP staðli. EV6 er aflmikill rafbíll og hægt er að velja um 229 og 325 hestafla rafmótor. Hægt er að hlaða bílinn allt að 80% hleðslu á aðeins 18 mínútum og ná hleðslu sem dugar allt að 100 km á innan við fjórum og hálfri mínútu. EV6 er í boði bæði aftur- og fjórhjóladrifinn. Veghæð bílsins er 17 cm og farangursrými allt að 541 lítrar. Samkvæmt upplýsingum frá Öskju mun EV6 kosta frá 5.990.777 kr. Hann verður með 7 ára ábyrgð eins og allir nýir Kia bílar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.