Svikahrappar tæmdu kort Halldóru á tíu mínútum Tryggvi Páll Tryggvason skrifar 29. september 2021 10:37 Halldóra Björg Haraldsdóttir sat eftir með sárt ennið eftir að svikahrappar létu greipar sópa um bankareikning hennar, Aðsend. Það var heldur óskemmtilegt fyrir Halldóru Björg Haraldsdóttir að líta á heimabankann sinn í vikunni. Óþekktir og óprúttnir aðilar höfðu látið greipar sópa um bankareikning hennar og eytt um 130 þúsund krónur hjá veðmálafyrirtækinu Betsson á innan við tíu mínútum. Hún segist ekki hafa hugmynd um hvernig þrjótarnir komust yfir reikningsupplýsingar hennar. „Hvernig er dagurinn ykkar að ganga? Ég var rænd 133.320 krónum af hökkurum á internetinu í dag:), “skrifaði Halldóra á Twitter í fyrrdag þar sem hún birti skjáskot af færslunum, tíu talsins. Uppfært 30. september klukkan 13.40: Samkvæmt upplýsingum fréttastofu hefur Halldóra endurheimt fjármunina eftir að Betsson skoðaði og fór yfir umræddar færslur. „Það var svolítið leiðinlegt að sjá þetta, segir Halldóra í samtali við Vísi. Hún segist ekki hafa vitað hvaðan á sig stóð veðrið um helgina þegar hún ætlaði að fara að greiða fyrir mat í Kringlunni, þegar kortinu var hafnað. „Ég var rosalega hissa, því að ég vissi að það ætti að vera 130-140 þúsund inn á kortinu. Svo bara athugaði ég þetta og var að skoða, því að ég vissi að ég hefði ekki eytt svona miklum pening, því það gengur tæplega að eyða svona pening á tíu mínútum,“ segir Halldóra. Tóku síðasta þúsundkallinn Þegar hún kíkti á heimabankann beið meðfylgjandi sjón, sem sjá má á myndinni hér til hliðar. Tíu færslur frá veðmálafyrirtækinu Betsson, sú lægsta 1.550 krónur en þær hæstu upp á 31.005 krónur. Rúmlega 130 þúsund krónur horfnar á um tíu mínútum. Hér má sjá færslurnar. „Þá voru fullt af færslum frá þessu Betsson og þá var búið að taka fyrst sjö þúsund krónur, margar sjö þúsund króna færslur. Þær hafa verið um sex, eitthvað svoleiðis. Síðan fór þetta að verða meira, um tuttugu og þrjátíu þúsund. Svo hætta færslurnar ekki fyrr en allt var farið af bankareikningnum. Þeir reyndu alltaf að taka meira þangað til það stoppaði. Þeir tóku þarna alveg síðasta þúsundkallinn sem var eftir,“ segir Halldóra. Betsson er veðmálasíða þar sem hægt er að veðja á knattspyrnuleiki og alls konar íþróttir og ljóst er að þrjótarnir hafa getað skemmt sér vel fyrir fjármunina sem þeir sópuðu til sín frá Halldóru. „Já, mér finnst svolítið leiðinlegt að hann hafi ekki unnið neitt fyrir mig. Það fór allt bara í vaskinn,“ segir Halldóra hlæjandi sem reynir að líta á björtu hliðarnar á þessari óskemmtilegu lífsreynslu, ef einhverar eru. „Ég var bara að lifa eðlilegu lífi og svo var allur peningurinn farinn,“ segir Halldóra. Hefur ekki hugmynd um hvernig þeir komust yfir upplýsingarnar Hún segir það alveg á kristaltæru að hún hafi ekki eytt peningunum á Betsson og í raun hefur hún enga hugmynd um hvar eða hvernig þrjótarnir komust yfir reikningsupplýsingar hennar. „Þetta var klárlega ekki ég, ég hef ekkert verið að skrá mig inn á neinar veðmálasíður heldur. Maður veit ekkert hvaðan þetta kemur, sem er svolítið „scary.“ Mér bara dettur ekki til hugar hvernig þetta getur hafa komið upp. Maður veit aldrei með netið, þetta er „scary“ staður,“ segir Halldóra. Reiknar með að fá peningana til baka Hún segist strax hafa farið í það að láta loka kortinu sínu hjá Arion banka auk þess sem hún tilkynnti málið til Valitor. Hún reiknar með að fá peninginn til baka, þó hún viti ekki hvenær það sé. Raunar hrósar hún happi yfir því að þjófarnir hafi látið greipar sópa svo skammt frá mánaðarmótum, því stutt sé í næstu launaútborgun. „Þeir eru náttúrulega tryggðir fyrir þessu sem er rosalega gott þannig að það eru allar líkur á því að ég fái þetta til baka,“ segir Halldóra. Hún vonar að Arion banki og Valitor rannsaki málið svo hægt sé að fyrirbyggja það að aðrir lendi í samskonar lífsreynslu. „Ég býst við því og vona að þeir kafi eitthvað í málinu. Þetta er líka glatað fyrir þá.“ Íslenskir bankar Netöryggi Neytendur Mest lesið Ökumaður bifhjólsins látinn Innlent Ógeðsleg aðkoma að íbúðinni eftir Airbnb-gesti Innlent Ísland leggur til fólk í finnskar herstöðvar Innlent Lögreglan lýsir eftir Arnari Hauki Innlent Alvarlegt mótorhjólaslys og Miklubraut lokað Innlent „Það er enginn svartur listi hjá okkur“ Innlent „Það er engin ástæða til að gefast upp“ Innlent „Nú verður að hafa hraðar hendur“ Innlent Óska eftir vitnum: Missti stjórn og hafnaði á vegriði Innlent Dettifoss vélarvana úti á ballarhafi Innlent Fleiri fréttir Mátti ekki lána sér pening úr eigin fyrirtæki Lögreglan lýsir eftir Arnari Hauki „Skýr vísbending um að gera þurfi betur í málefnum erlendra barna“ Sjúklingar óttist dómhörku vegna þyngdarstjórnunarlyfja „Það er engin ástæða til að gefast upp“ Reiðarslag fyrir Landsvirkjun, kjarnorkukafbátur og heimsfræg íslensk kisa „Í næstu umferð fara hlutirnir í gegn“ Tilkynnt um buxnalausan mann og stolinn pizzaofn „Það er enginn svartur listi hjá okkur“ Davíð hafi lagt Golíat Hlaup er hafið úr Mýrdalsjökli Ökumaður bifhjólsins látinn Dettifoss vélarvana úti á ballarhafi Flugvél snúið við vegna bilunar „Enn ein viðurkenning að það má brjóta á fötluðu fólki“ Ógeðsleg aðkoma að íbúðinni eftir Airbnb-gesti Óska eftir vitnum: Missti stjórn og hafnaði á vegriði Bíða niðurstaðna um magakveisuna á Laugarvatni Dómurinn vonbrigði en virkjunin ekki út úr myndinni Kona á fimmtugsaldri í haldi vegna hnífstunguárásar „Nú verður að hafa hraðar hendur“ Hvammsvirkjun í uppnámi og ókyrrð hjá Play Hæstiréttur hafnar Hvammsvirkjun Inga Sæland með galsa á þingi í nótt „Orðaskiftismetið tikið“ Bifhjólamaðurinn „mikið slasaður“ Alvarlegt mótorhjólaslys og Miklubraut lokað Ungt fólk notar frekar samfélagsmiðla en hefðbundna fréttamiðla Stór meirihluti þjóðarinnar hlynntur veiðigjaldafrumvarpinu „Þú ert mögulega búin að nota gagnaver 400 sinnum síðan í morgun“ Sjá meira
„Hvernig er dagurinn ykkar að ganga? Ég var rænd 133.320 krónum af hökkurum á internetinu í dag:), “skrifaði Halldóra á Twitter í fyrrdag þar sem hún birti skjáskot af færslunum, tíu talsins. Uppfært 30. september klukkan 13.40: Samkvæmt upplýsingum fréttastofu hefur Halldóra endurheimt fjármunina eftir að Betsson skoðaði og fór yfir umræddar færslur. „Það var svolítið leiðinlegt að sjá þetta, segir Halldóra í samtali við Vísi. Hún segist ekki hafa vitað hvaðan á sig stóð veðrið um helgina þegar hún ætlaði að fara að greiða fyrir mat í Kringlunni, þegar kortinu var hafnað. „Ég var rosalega hissa, því að ég vissi að það ætti að vera 130-140 þúsund inn á kortinu. Svo bara athugaði ég þetta og var að skoða, því að ég vissi að ég hefði ekki eytt svona miklum pening, því það gengur tæplega að eyða svona pening á tíu mínútum,“ segir Halldóra. Tóku síðasta þúsundkallinn Þegar hún kíkti á heimabankann beið meðfylgjandi sjón, sem sjá má á myndinni hér til hliðar. Tíu færslur frá veðmálafyrirtækinu Betsson, sú lægsta 1.550 krónur en þær hæstu upp á 31.005 krónur. Rúmlega 130 þúsund krónur horfnar á um tíu mínútum. Hér má sjá færslurnar. „Þá voru fullt af færslum frá þessu Betsson og þá var búið að taka fyrst sjö þúsund krónur, margar sjö þúsund króna færslur. Þær hafa verið um sex, eitthvað svoleiðis. Síðan fór þetta að verða meira, um tuttugu og þrjátíu þúsund. Svo hætta færslurnar ekki fyrr en allt var farið af bankareikningnum. Þeir reyndu alltaf að taka meira þangað til það stoppaði. Þeir tóku þarna alveg síðasta þúsundkallinn sem var eftir,“ segir Halldóra. Betsson er veðmálasíða þar sem hægt er að veðja á knattspyrnuleiki og alls konar íþróttir og ljóst er að þrjótarnir hafa getað skemmt sér vel fyrir fjármunina sem þeir sópuðu til sín frá Halldóru. „Já, mér finnst svolítið leiðinlegt að hann hafi ekki unnið neitt fyrir mig. Það fór allt bara í vaskinn,“ segir Halldóra hlæjandi sem reynir að líta á björtu hliðarnar á þessari óskemmtilegu lífsreynslu, ef einhverar eru. „Ég var bara að lifa eðlilegu lífi og svo var allur peningurinn farinn,“ segir Halldóra. Hefur ekki hugmynd um hvernig þeir komust yfir upplýsingarnar Hún segir það alveg á kristaltæru að hún hafi ekki eytt peningunum á Betsson og í raun hefur hún enga hugmynd um hvar eða hvernig þrjótarnir komust yfir reikningsupplýsingar hennar. „Þetta var klárlega ekki ég, ég hef ekkert verið að skrá mig inn á neinar veðmálasíður heldur. Maður veit ekkert hvaðan þetta kemur, sem er svolítið „scary.“ Mér bara dettur ekki til hugar hvernig þetta getur hafa komið upp. Maður veit aldrei með netið, þetta er „scary“ staður,“ segir Halldóra. Reiknar með að fá peningana til baka Hún segist strax hafa farið í það að láta loka kortinu sínu hjá Arion banka auk þess sem hún tilkynnti málið til Valitor. Hún reiknar með að fá peninginn til baka, þó hún viti ekki hvenær það sé. Raunar hrósar hún happi yfir því að þjófarnir hafi látið greipar sópa svo skammt frá mánaðarmótum, því stutt sé í næstu launaútborgun. „Þeir eru náttúrulega tryggðir fyrir þessu sem er rosalega gott þannig að það eru allar líkur á því að ég fái þetta til baka,“ segir Halldóra. Hún vonar að Arion banki og Valitor rannsaki málið svo hægt sé að fyrirbyggja það að aðrir lendi í samskonar lífsreynslu. „Ég býst við því og vona að þeir kafi eitthvað í málinu. Þetta er líka glatað fyrir þá.“
Íslenskir bankar Netöryggi Neytendur Mest lesið Ökumaður bifhjólsins látinn Innlent Ógeðsleg aðkoma að íbúðinni eftir Airbnb-gesti Innlent Ísland leggur til fólk í finnskar herstöðvar Innlent Lögreglan lýsir eftir Arnari Hauki Innlent Alvarlegt mótorhjólaslys og Miklubraut lokað Innlent „Það er enginn svartur listi hjá okkur“ Innlent „Það er engin ástæða til að gefast upp“ Innlent „Nú verður að hafa hraðar hendur“ Innlent Óska eftir vitnum: Missti stjórn og hafnaði á vegriði Innlent Dettifoss vélarvana úti á ballarhafi Innlent Fleiri fréttir Mátti ekki lána sér pening úr eigin fyrirtæki Lögreglan lýsir eftir Arnari Hauki „Skýr vísbending um að gera þurfi betur í málefnum erlendra barna“ Sjúklingar óttist dómhörku vegna þyngdarstjórnunarlyfja „Það er engin ástæða til að gefast upp“ Reiðarslag fyrir Landsvirkjun, kjarnorkukafbátur og heimsfræg íslensk kisa „Í næstu umferð fara hlutirnir í gegn“ Tilkynnt um buxnalausan mann og stolinn pizzaofn „Það er enginn svartur listi hjá okkur“ Davíð hafi lagt Golíat Hlaup er hafið úr Mýrdalsjökli Ökumaður bifhjólsins látinn Dettifoss vélarvana úti á ballarhafi Flugvél snúið við vegna bilunar „Enn ein viðurkenning að það má brjóta á fötluðu fólki“ Ógeðsleg aðkoma að íbúðinni eftir Airbnb-gesti Óska eftir vitnum: Missti stjórn og hafnaði á vegriði Bíða niðurstaðna um magakveisuna á Laugarvatni Dómurinn vonbrigði en virkjunin ekki út úr myndinni Kona á fimmtugsaldri í haldi vegna hnífstunguárásar „Nú verður að hafa hraðar hendur“ Hvammsvirkjun í uppnámi og ókyrrð hjá Play Hæstiréttur hafnar Hvammsvirkjun Inga Sæland með galsa á þingi í nótt „Orðaskiftismetið tikið“ Bifhjólamaðurinn „mikið slasaður“ Alvarlegt mótorhjólaslys og Miklubraut lokað Ungt fólk notar frekar samfélagsmiðla en hefðbundna fréttamiðla Stór meirihluti þjóðarinnar hlynntur veiðigjaldafrumvarpinu „Þú ert mögulega búin að nota gagnaver 400 sinnum síðan í morgun“ Sjá meira