Bílar

Rivian R1T lendir í sínum fyrsta árekstri

Kristinn Ásgeir Gylfason skrifar
Rivian R1T eftir jómfrúarárekstur sinn.
Rivian R1T eftir jómfrúarárekstur sinn.

Allir bílar þurfa að lenda í sínum fyrsta árekstri og almennt er smávægilegt samstuð ekki fréttnæm en þetta var frekar furðulegt, auk þess sem R1T er búinn hinum ýmsa búnaði sem ætti að koma í veg fyrir árekstra.

Ef þú hefur verið að velta fyrir þér að kaupa rafpallbílinn Rivian R1T en hefur verioð hikandi af því þú hefur ekki verið viss um hvernig hann höndlar að keyra í gegnum runna og keyra á nokkra bíla og yfir gangstéttarkant, þá hefur Rivian R1T prófað það. Það slasaðist enginn samkvæmt upplýsingum frá Rivian. Það var var starfsmaður Rivian sem ók bílnum þegar óhappið varð. Samkvæmt Rivian virkuðu öll öryggiskerfi eins og þau átti á gera. Rivian var greinilega ekki búið að sjá þessa atburðarás. Óhappið átti sér stað rétt hjá Irvine skrifstofum Rivian í Kaliforníu.

Ekki er alveg ljóst hvernig óhappið kom til en svo virðist sem að bíllinn hafi keyrt yfir gangstéttarkant. Þaðan hafi förinni heitið upp grasbrekkuna og í gegnum runna. Þar mætti Rivian R1T Mercedes-Benz og Ford Explorer. Einhver hefur ferið verið því Explorer-inn hefur færst úr stæðinu sínu.

För eftir Rivian R1T.

Rivian R1T virðist ekki hafa orðið fyrir miklu tjóni. Stuðarinn hefur beyglast en framendi bílsins virðist að öðru leyti hafa sloppið nokkuð vel. Vélarhlífin á Explorer-num er illa farin og Benz-inn er frekar illa leikinn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×