Bílar

Ford Bronco Raptor væntanlegur á næsta ári

Kristinn Ásgeir Gylfason skrifar
Grillið á Ford Bronco Raptor.
Grillið á Ford Bronco Raptor.

Ford hefur nú staðfest hið illa varðveitta leyndarmál að Ford Bronco Raptor er væntanlegur á næsta ári. Hann mun líklega nota 450 hestafla vélina sem F-150 Raptor notar og vera á sérstakri fjöðrun, stærri dekkjum og hærri en upprunalega útgáfan.

Hér er fremur óhjálplegt en töff kynningarmyndband frá Ford.

Fréttir af Raptor-vædda Bronco-num koma þegar margir kaupendur bíða enn eftir óbreyttum Bronco-um sem pantaðir voru fyrir rúmu ári. Ford er eins og margir bílaframleiðendur að glíma við framleiðslutafir og þar af leiðandi vanda við afhendingu. Ástæður þess eru margar en líkleg endanleg skýring er langvarandi áhrif kórónaveirufaraldursins á framleiðslu í heiminum.

Bronco Raptor mun samkvæmt heimildum Jalopnik innan úr herbúðum Ford verða afar fjárhagslega gefandi bíll fyrir Ford. Nánast óháð því hversu vel hann stendur sig í samanburði við óbreyttu útgáfuna.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.