Rannsókn á Procar-málinu að ljúka

Kristinn Ásgeir Gylfason skrifar 21. september 2021 07:01

Frá útibúi Procar í Reykjanesbæ. Procar.is

Rannsókn á Procar-málinu svokallaða er á lokastigi og verður málið sent til Ríkissaksóknara í kjölfarið samkvæmt upplýsingum frá Héraðssaksóknara.

Félag íslenskra bifreiðaeiganda (FÍB) fjallaði um málið á vef sínum í gær.

Snemma árs 2019 viðurkenndu forsvarsmenn bílaleigunnar Procar að hafa skrúfað aftur kílómetrastöðu bílaleigubíla sem settir voru á sölu. Mismikið hafi verið undið ofan af kílómetrateljurum bílanna en í sumum þeirra um tugi þúsunda kílómetra.

Viðurkenning kom í kjölfar umfjöllunar fréttaskýringarþáttarins Kveiks um málið. Samkvæmt frétt á vef FÍB hefur rannsóknin verið mjög umfangsmikil en er á lokastigi. Þá kemur einnig fram á vef FÍB að Samtök ferðaþjónustunnar vísuðu Procar úr samtökunum eftir umfjöllun Kveiks og bæði lögregla og Samgöngustofa hófu rannsókn á málinu.

Procar seldi notaða bíla þar sem kílómetrastaðan hafði verið lækkuð.

Samgöngustofa tók ekki mikinn þátt í rannsókninni þar sem Samgöngustofa taldi sig ekki geta svipt bílaleiguna starfsleyfi vegna þess að valdheimildir hennar næðu einungis til starfsemi ökutækjaleiga en ekki til endursölu ökutækja á markaði.

Þá fékk Héraðssaksóknari málið til rannsóknar úr höndum lögreglu í lok maí 2019 vegna þess hve umfangsmikið það var. Upplýst var í Kveik að átt hefði verið kílómetrateljara í verulegum fjölda bíla og um langt árabil.

Procar Bílaleigur

Tengdar fréttir

Helmingur þegið bætur frá Procar

Fólk fær fjórar vikur til að ákveða hvort það þiggi bæturnar.

30. júní 2019 21:37

Segir niðurstöðu í máli Procar sýna að í lagi sé að svindla á Íslandi

Jóhannes Þór Skúlason, framkvæmdastjóri Samtaka ferðaþjónustunnar segir að niðurstaða Samgöngustofu í máli bílaleigunnar Procar þess efnis að hún haldi starfsleyfi sínu feli í sér skýr skilaboð um að í lagi sé að svindla á Íslandi.

5. júní 2019 10:14

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.