Veiði

Lokatölur komnar úr Veiðivötnum

Karl Lúðvíksson skrifar
Veiði er lokið í Veiðivötnum þetta tímabilið. 
Mynd: Bryndís Magnúsdóttir
Veiði er lokið í Veiðivötnum þetta tímabilið.  Mynd: Bryndís Magnúsdóttir  

Veiði er lokið í Veiðivötnum þetta tímabilið og það liggur fyrir að veiðin var meiri en í fyrra og mestu munar um betri veiði í Litlasjó.

Stangveiðitímabilið í Veiðivötnum hefst 18. júní og stendur til 18. ágúst en eftir það hefst netatíminn sem stendur til 12. september. Á stangveiðitímanum veiddust 19.049 fiskar sem skiptist þannig að það veiddust 10.532 urriðar og 8.517 bleikjur. Mest veiddist í Snjóölduvatni eða 4.706 fiskar og allt bleikja, fyrir utan stöku urriða. Í Litlasjó veiddust síðan 4.440 fiskar, allt urriði.

Þyngsti fiskurinn er 16,0 pd urriði úr Grænavatni. Stórir fiskar, um og yfir 10,0 pd fengust einnig í Skálavatni, Hraunvötnum, Ónýtavatni, Ónefndavatni, Litla Breiðavatni og Kvíslarvatnsgíg. Á netaveiðitímanum veiddist 981 fiskur á stöng. Heildarafli stangveiddra fiska í Veiðivötnum 2021 er 20030 fiskar, 11478 urriðar og 8552 bleikjur. Í netin fengust 10154 fiskar, 1920 urriðar og 8234 bleikjur.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.