Bílar

9 sæta Peugeot e-Traveller kominn í forsölu

Kristinn Ásgeir Gylfason skrifar
Peugeot e-Traveller á ferðinni.
Peugeot e-Traveller á ferðinni.

Brimborg kynnir, langdrægan Peugeot e-Traveller 9 sæta 100% rafbíl með 75 kWh drifrafhlöðu með allt að 330 km drægni á 100% hreinu rafmagni. Peugeot e-Traveller er fáanlegur 9 sæta í Business eða Allure útfærslu í tveimur lengdum með 7 ára víðtækri verksmiðjuábyrgð og 8 ára ábyrgð á drifrafhlöðu.

Meðfylgjandi er fréttatilkynning frá Brimborg.

Forsalan á nýja 9 sæta Peugeot e-Traveller rafbíl er hafin í Vefsýningarsal nýrra bíla hjá Brimborg.

Allt að 330 km drægni

Peugeot e-Traveller er 100% hreinn rafbíll með 75 kWh drifrafhlöðu og er drægni bílsins skv. WLTP mælingu framúrskarandi eða allt að 330 km. Peugeot e-Traveller er fáanlegur með 7,4 kW eða 11 kW innbyggðri hleðslustýringu sem gerir þér kleift að fullhlaða tóma drifrafhlöðuna á 7,5 klst. í heimahleðslustöð eða í vinnu.

Peugeot e-Traveller í hleðslu fyrir utan flugstöð.

48 mínútur í 80% hleðslu í 100 kW hraðhleðslu

Það er einfalt og fljótlegt að hlaða Peugeot e-Traveller rafbíl heima,í vinnu og á hraðhleðslustöðvum. Hægt er að fullhlaða á 7,5-11,20 klst í öflugri heimahleðslustöð og aðeins tekur frá 48 mínútum að hlaða tóma drifrafhlöðuna í 80% drægni í 100 kW hraðhleðslustöð.

Fjarstýrð forhitun

Peugeot e-Traveller rafbíll er með snjallmiðstöð með tímastillingu og forhitun sem tryggir að bíll er heitur og þægilegur þegar lagt er af stað. Einfalt er að tímasetja, stöðva og virkja hleðslu í MyPeugeot® appinu ásamt því að tímastilla forhitarann.

Búnaður

Bakkmyndavél og blindpunktsaðvörun eru hluti af ríkulegum staðal- og öryggisbúnaði. Bakkmyndavélin sýnir svæðið næst bakhluta bílsins og sýnir fjarlægðir með nákvæmum línum ásamt því hvernig aksturstefna bílsins er með tilliti til stöðu stýrisins. Nálægðarskynjarar að framan og aftan gefa hljóðmerki til ökumanns og auka þannig enn á öryggið. Blindpunktsaðvörunin lætur ökumann vita ef bíll er í blindapunktinum með hljóðmerki og litlum ljósmerkjum í hliðarspeglunum.

9 sæta rafbíll

Peugeot e-Traveller er fáanlegur 9 sæta í Business útfærslu þar sem bílstjórasæti og tveggja manna sæti eru í fremstu röð og þrjú sæti í miðju og í öftustu röð. Peugeot e-Traveller er einnig fáanlegur með VIP sætaútfærslu.

Peugeot e-Traveller á ferðinni.

Tvær lengdir

Peugeot e-Traveller er fáanlegur í tveimur lengdum L2 og L3 í bæði Business og Allure útfærslu. Peugeot e-Traveller er með góða veghæð og háa sætisstöðu. Innra rýmið er fullkomið; nútímalegt og notendavænt þar sem nýjasta kynslóð af i-Cockpit innréttingu sem hefur verið sérhönnuð fyrir rafbíl. Notagildi og þægindi fyrir ökumann eru höfð að leiðarljósi þar sem öll stjórntæki, mælar og skjáir eru í sjónlínu ökumanns.

Ábyrgð

Gæði Peugeot eru einstök enda í boði með víðtækri 7 ára ábyrgð á bílnum og sérstakri 8 ára ábyrgð á drifrafhlöðu. Ábyrgðin er aðeins í boði á bílum keyptum af Brimborg og er háð því að bíllinn fylgi ferli framleiðanda hvað varðar þjónustuskoðanir.

Peugeot e-Traveller í hleðslu.

Í Vefsýningarsal er að finna alla Peugeot e-Traveller 100% rafbíla í pöntun. Þegar draumabíllinn er fundinn er send fyrirspurn beint úr Vefsýningarsalnum sem söluráðgjafi svarar um hæl. Viðskiptavinir geta auðveldlega breytt bílum í pöntun að sínum smekk með aðstoð söluráðgjafa Brimborgar.

Peugeot e-Traveller kostar frá 7.490.000 kr. og er fáanlegur í tveimur lengdum; L2 og L3

Brimborg hefur lagt sífellt meiri áherslu á forpöntun nýrra bíla sem hefur gert það að verkum að bílverð lækkar vegna lægri birgðakostnaðar og á sama tíma geta kaupendur hannað bílana nákvæmlega að sínum óskum hvað varðar lit, innréttingu og búnað.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.