Veiði

102 sm hausthængur í Víðidalsá

Karl Lúðvíksson skrifar
Rögnvaldur með 102 laxinn sem hann veiddi í Fitjá
Rögnvaldur með 102 laxinn sem hann veiddi í Fitjá

Haustið er tíminn sem stóru hængarnir fara á stjá og þrátt fyrir að veiðitölur séu víða undir væntingum eru veiðimenn eng að síður duglegir við bakkann að leita að þeim stóra.

Það er einstakt að veiða á haustin á Íslandi þegar hængarnir verða grimmir og vernda hrygningarsvæði og dömurnar sínar. Það er oft talað um að þeir fari þá fyrst að verða mjög tökuglaðir og þá reynir á kunnáttu veiðimanna. Rögnvaldur Örn Jónsson fyrrum stjórnarmaður í SVFR hefur sett í og landað nokkrum vænum löxum í gegnum tíðina og var að bæta einum til viðbótar á listann í gær.

Hann var að ljúka veiðum í Víðidalsá og á síðasta klukkutímanum setti hann í og landaði glæsilegum 102 sm laxa í Fitjá, nánar tiltekið í Laxakvörn. Víðidalsá hefur verið frekar róleg í sumar en það hlýtur að kveikja aðeins í þeim sem eiga daga þar framundan að vita til þess að þessir stóru eru komnir á stjá. Víðidalsá er einmitt ein af þeim ám sem oftar en ekki getur gefir nokkra slíka á hverju hausti. Til lukku með þennan glæsilega lax Rögnvaldur.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.