Grikkir stöðvuðu sigurgöngu Svía | Ítalir með stórsigur

Svíar töpuðu sínum fyrsta leik í B-riðli þegar að liðið mætti Grikkjum. Anastasios Bakasetas og Evangelos Pavlidis skoruðu mörk Grikkja í 2-1 sigri liðsins, en Robin Quaison skoraði mark Svía.

Í sama riðli unnu Spánverjar öruggan 2-0 sigur gegn Kósovó þar sem að Pablo Fornals og Ferran Torres sáu um markaskorun leiksins. Spánverjar eru nú með fjögurra stiga forskot á Svía sem sitja í öðru sæti með níu stig.

Í C-riðli tróna Ítalir á toppnum eftir 5-0 sigur gegn Litháen. Moise Kean skoraði tvö mörk fyrir ítalska liðið í kvöld og Giacomo Raspadori og Giovanni Di Lorenzo skoruðu sitt markið hvor, en Edgaras Utkus varð fyrir því óláni að koma Ítölum í 2-0 þegar hann skoraði sjálfsmark.

Walesverjum mistókst að hrifsa til sín annað sætið í E-riðli þegar að liðið gerði markalaust jafntefli gegn Eistum og Belgar sigla lygnan sjó á toppi riðilsins með 16 stig eftir 1-0 sigur gegn Hvíta-Rússlandi. Dennis Praet skoraði eina mark leiksins eftir rúmlega hálftíma leik.

Í I-riðli er mikil spenna eftir leiki kvöldins þar sem að aðeins tveim stigum munar á öðru og fjórða sæti. Englendingar tróna þó á toppnum, fjórum stigum fyrir ofan Albaníu sem situr í öðru sæti.

Í riðli okkar Íslendinga, J-riðli, gerðu Norður-Makedónía og Rúmenía markalaust jafntefli og Liechtenstein náði í sitt fyrsta stig þegar að liðið gerði 1-1 jafntefli gegn Armeníu. HHenrikh Mkhitaryan hafði komið Armeníu yfir af vítapunktinum rétt fyrir hálflei, en Noah Frick jafnaði metin fyrir Liechtenstein þegar tíu mínútur voru til leiksloka.

Úrslit kvöldsins