Neytendur

Segja málningar­aug­­­lýsingar Múr­búðarinnar ekki villandi eftir kvörtun Húsa­­­smiðjunnar

Atli Ísleifsson skrifar
Borið var saman málningarverð á Íslandi og Danmörku í auglýsingu Múrbúðarinnar sem var efni umkvörtunarinnar.
Borið var saman málningarverð á Íslandi og Danmörku í auglýsingu Múrbúðarinnar sem var efni umkvörtunarinnar.

Neytendastofa hyggst ekki grípa til aðgerða eftir kvörtun Húsasmiðjunnar vegna auglýsingar Múrbúðarinnar þar sem verð á málningu sem var til sölu í Múrbúðinni var borið saman við verð á annarri málningu í sölu í Danmörku og hjá Húsasmiðjunni á Íslandi.

Í umræddri auglýsingu Múrbúðarinnar, sem birt var á Facebook, var verið auglýsa Colorex Vagans 7 málningu og verð borið saman við verð á Lady Vegg 10 málningu sem er í sölu í Húsasmiðjunni.

Í ákvörðun Neytendastofu kemur fram að það hafi verið mat Húsasmiðjunnar að auglýsing Múrbúðarinnar og þær fullyrðingar sem þar hafi komið fram væru villandi og að um ólögmæta samanburðarauglýsingu væri að ræða. Þá hafi Húsasmiðjan talið að auglýsingin bryti í bága við fyrri ákvörðun Neytendastofu þar sem Múrbúðinni hafði verið bannað að stunda ákveðna viðskiptahætti, einnig eftir kvörtun frá Húsasmiðjunni.

Í því máli hafði Neytendastofa fallist á rök Húsasmiðjunnar um að Múrbúðin hafi verið með villandi samanburðarauglýsingar á Facebook-síðu sinni þar sem verð á málningu var borinn saman. „Verð á málningu beggja verslana hér á landi væri borið saman við verð á málningu erlendis með almennum hætti án skýringa og án þess að fram kæmi hvaða lönd hafi verið átt við með „í útlöndum“. Af gögnum málsins var ráðið að borið væri saman verð í mismunandi löndum sem talið var villandi gagnvart neytendum,“ sagði um ákvörðun Neytendastofu sem birt var í febrúar síðastliðinn.

Ekki villandi samanburður

Í svörum Múrbúðarinnar vegna kvörtunar Húsasmiðjunnar nú kom fram að kvörtun Húsasmiðjunnar væri hafnað og að það væri mat félagsins að auglýsingin uppfyllti öll skilyrði laga, bæði um samanburð á verði hér á landi og í Danmörku.

„Neytendastofa komst að þeirri niðurstöðu að samanburðurinn væri ekki villandi eða óréttmætur enda skýrt tekið fram í auglýsingunni að borið sé saman verð í Danmörku annars vegar og á Íslandi hins vegar. Auk þess taldi Neytendastofa að um sambærilegar vörur væri að ræða, þ.e. vörurnar fullnægi sömu þörfum og séu staðgönguvörur við hvor aðra.“

Neytendastofa féllst því ekki á að Múrbúðin hafi brotið gegn fyrri ákvörðun Neytendastofu og telur því ekki vera tilefni til aðgerða af hálfu stofnunarinnar í málinu.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
3,82
19
670.520
MAREL
1,72
88
883.907
EIM
1,33
9
58.796
ICEAIR
1,1
118
837.465
ISB
0,96
66
237.933

Mesta lækkun dagsins


Félag
Br.%
Fjöldi
Velta*
ICESEA
-1,27
13
21.740
EIK
-0,81
3
717
BRIM
-0,68
9
151.875
SJOVA
-0,51
10
48.526
HAGA
-0,39
12
340.369
Velkomin á Vísi. Þessi vefur notar vafrakökur. Sjá nánar.