Flugvél Alitalia tekur á loft í Los Angeles.Vísir/Getty
Ítalska flugfélagið Alitalia tilkynnti um gjaldþrot í dag og mun hætta starfsemi þann 15. október. Öllum flugferðum eftir þá dagsetningu verður því aflýst.
Samkvæmt Euronews hefur félaginu gengið illa að laða að sér fjárfesta eftir að ríkið greip inn í rekstur þess árið 2017 vegna rekstarörðugleika. Kórónuveirufaraldurinn gerði svo illt verra og virðist saga hins 75 ára gamla flugfélags, sem hefur verið alfarið í eigu ríkisins frá því í fyrra, því vera á enda.
Um tíu þúsund starfa nú hjá Alitalia og vonast starfsfólkið væntanlega eftir því að fá starf hjá arftaka félagsins, Italia Transporto Aereo (ITA). Fjármálaráðuneytið stofnaði hið nýja félag í nóvember og mun ITA kaupa 52 flugvélar af Alitalia auk annara eigna. Búist er við að fyrstu flugmiðar ITA fari í sölu á morgun.
Yfirvöld Ítalíu ætla að þjóðnýta gjaldþrota flugfélagið Alitalia og hafa 600 milljónir evra verið settar til hliðar til að halda rekstri félagsins áfram.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
