Ungverska flugfélagið Wizz Air hefur að undanförnu bætt við sig fjórtán flugleiðum til Íslands og gerir ráð fyrir fleiri ferðum hingað en áður, samkvæmt frétt Túrista.is.
Þannig verði til dæmis flogið frá fimm pólskum og þremur ítölskum borgum. Auk þess væri á dagskrá Wizz Air að fljúga hingað til lands frá Vínarborg, Dormunt, Búdapest, Lundúnum og Riga.
Í lok liðinnar viku hafi Vilnius, höfuðborg Litháen, bæst í leiðarkerfið á ný frá því fyrir heimsfaraldurinn. Útlit væri fyrir að Wizz Air verði áfram næst umsvifamesta flugfélagið á Keflavíkurflugvelli.
Bilið milli þess félags og easyJet breikki því síðarnefnda félagið hafi skorið sitt flug til Keflavíkurflugvallar niður.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
