Veiði

Laxárdalurinn frábær áskorun í stóra urriða

Karl Lúðvíksson skrifar
Laxárdalurinn er klárlega eitt skemmtilegasta urriðasvæði landsins
Laxárdalurinn er klárlega eitt skemmtilegasta urriðasvæði landsins

Laxárdalurinn í Laxá er eitt af þeim veiðisvæðum sem veiðimenn verða að prófa því fá svæði gefa jafn eftirminnilega upplifun af tæknilegri veiði.

Þarna þurfa veiðimenn að vita hvað þeir eru að gera enda getur fiskurinn verið ótrúlega kröfuharður á bæði agn og framsetningu. Caddisbræður hafa verið með holl í ánni í allt sumar þar sem þeir leiðbeina og eru með leiðsögn um þetta magnaða svæði.

Þessi væni urriði tók Galdralöpp

Valdimar Hilmarsson einn af árnefndarmönnum Laxárdalnsins er við veiðar í hollinu sem stendur vaktina næstu daga og hann segir að það eru kjöraðstæður í dalnum núna. Frábært veður og áin að skarti sínu fegursta. Síðasta Caddis bræðra Holl ársins byrjaði í fyrradag og það var töluvert af fiski. Sá sem er á myndinni er 62 cm sem tók galdralöpp Jóns Aðalsteins, höfundi flugunnar til mikilla ánægju en hann er einmitt staddur í dalnum. Þetta er samt alltaf krefjandi veiði en virkilega gaman sérstaklega þegar aðstæður eru eins og í dag.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.