Bílar

Bugatti Bolide er 1825 hestafla brautarskrímsli

Kristinn Ásgeir Gylfason skrifar
Bugatti Bolide.
Bugatti Bolide.

Bugatti hefur staðfest að það muni framleiða hinn ægilega Bolide, það er næstum ár síðan stafræn útgáfa af hugmyndabílnum var kynnt.

Einungis 40 eintök verða framleidd næstu þrjú árin og verður verðmiðinn 4 milljónir evra, eða um 594 milljónir króna. Mikill áhugi og mikil spenna var fyrir bílnum þegar hann var kynntur, samkvæmt Bugatti.

Bílnum hefur verið lýst af Bugatti sem „öfgafyllsta, hraðskreiðasta og léttasta farartæki nútímans þar sem engar málamiðlanir hafa verið gerðar.“

Bíllinn er um 1450 kg. og mun notast við 8 lítra W16 vél með fjórum túrbínum. Sú vél á að skila 1825 hestöflum ef notað er 110 oktana keppnis bensín.

„Við erum fyrst núa að sýna hvað W16 vélin getur í raun og veru,“ sagði Stefan Winkelmann, yfirmaður Bugatti. Þetta afl fæst með nýjum túrbínum og nýju olíuverki auk þess sem möppun vélarinnar er bætt.

Loftinntak á þaki bílsins er virkt sem þátttakandi í loftflæðishönnun bílsins. Yfirborð inntaksins er slétt á lágum hraða en verður hrjúft af loftbólum þegar hraðinn verður meiri til að minnka loftmótstöðu.

Bugatti Bolide.

„Á mínum 16 árum hjá Bugatti, hef ég aldrei unnið að eins öfgafullu verkefni,“ sagði yfirhönnuður Bugatti, Achim Anscheidt. Hann viðurkenndi líka að tæknin hefði fengið að ráða meiru um hönnun bílsins en fagurfræðin.

Bolide er samkvæmt Bugatti búin nauðsynlegum öryggisbúnaði til þátttöku í FIA keppnum, sem gefur vonir um að Bugatti stefni á þátttöku í Le Mans þolakstrinum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.