Veiði

Urriðinn í dalnum bara stækkar

Karl Lúðvíksson skrifar
Bjarni Höskuldsson með einn af vænu urriðunum úr Laxaárdalnum

Laxárdalurinn er hægt og rólega að verða eitt áhugaverðasta urriðaveiðisvæði landsins og það er ekkert skrítið að menn sæki þangað á hverju ári.

Laxárdalurinn er það veiðivæði sem greinarhöfundur telur að sé eitt það magnaðasta á landinu til að veiða stóra urriða enda eru fiskarnir þarna bara að stækka eftir að veitt og sleppt var alfarið komið á. Urriðar yfir 60 sm þóttu á sínum tíma vera stórir og það þótti mikið afrek að eltast við slíkan fisk og ná honum.

Nú er staðan orðinn þannig eftir nokkur ár af Veitt og Sleppt að það þykir ekkert sérstaklega merkilegt, en vel gert engu að síður, að setja í urriða í kringum 60 sm því núna er nýtt viðmið í dalnum meira og minna um og yfir 70 sm. Bjarni Höskuldsson sem þekkir Laxárdalinn eins og handabakið á sér setti í fimm urriða um daginn í stærðum 69-72 sm og allt á þurrflugu og mjúka stöng fyrir línu #4.

Þetta er svæði sem allri veiðimenn og veiðikonur ættu að prófa í það minnsta einu sinni og við ráðleggjum þeim sem eru að koma þangað í fyrsta skipti að klárlega bóka sér leiðsögumann, það getur munað öllu á þessu svæði, sem og reyndar öllum svæðum sem veiðimenn eru að koma á í fyrsta skipti.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.