Veiði

100 laxa holl í Norðurá

Karl Lúðvíksson skrifar
Norðurá er á góðu róli en síðasta holl landaði 108 löxum
Norðurá er á góðu róli en síðasta holl landaði 108 löxum

Holl sem lauk veiðum 27. júli í Norðurá lanadði 108 löxum og er fyrsta hollið í sumar í Íslenskri laxveiðiá sem nær þeim árangri.

Það er töluvert af laxi í Norðurá og það sem gefur merki um að gangan sé í góðu laxi er að teljarinn við Glanna stóð í 1200 löxum fyrir tveimur dögum síðan og það sem meira er, það er ennþá lax að ganga. Frá neðstu veiðistöðum og upp á fjall virðist laxinn vera að dreifa sér vel og takan er góð. Smálaxinn skilaði sér seint í ánna eins og í flestum ánum á landinu en almennt virðast veiðimenn sammála um að staðan sé um það bil tveimur til þremur vikum á eftir áætlun. 

Stærsti lax sumarsins í Norðurá veiddist í þessu holli en sá var mældur 99 sm og veiddist í Myrkhyl. Nokkrir aðrir vænir laxar hafa sést í ánni sem fullyrt er að séu ekki minni en þessi og það verður spennandi að sjá hvort þessir höfðingjar stökkvi á flugur veiðimanna næstu daga. Heildartalan er komin í 870 laxa og það er þess vegna ekki annað en líklegt að áin fari yfir 1.000 laxa í vikunni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.