Viðskipti innlent

Góður ársfjórðungur hjá Össuri

Árni Sæberg skrifar
Höfuðstöðar Össurs að Grjóthálsi 5.
Höfuðstöðar Össurs að Grjóthálsi 5. Vísir/Villi

Hagnaður Össurar á öðrum ársfjórðungi nam 2,4 milljörðum króna eða 10 prósent af veltu. Á sama ársfjórðungi í fyrra var 2,3 milljarða króna tap á rekstri fyrirtækisins. 

Rekstur stoðtækjafyrirtækisins Össurar er að taka við sér eftir erfitt rekstrarár af völdum Covid-19. Jón Sigurðsson, forstjóri Össurar, segir þó að áhrifa faraldursins gæti enn á sumum mörkuðum.

„Ég er sannarlega þakklátur viðskiptavinum okkar og stoltur af starfsmönnum Össurar um allan heim fyrir að halda áfram að hafa áhrif til góða fyrir viðskiptavini og notendur okkar“ segir forstjórinn í fréttatilkynningu um niðurstöður fyrir annan ársfjórðung 2021.

Sala á ársfjórðunginum nam 190 milljónum Bandaríkjadala eða 24 milljörðum króna. Innri vöxtur var jákvæður um 32 prósent en söluvöxtur var jákvæður um 33 prósent í staðbundinni mynt. Á öðrum ársfjórðungi síðasta árs var innri vöxtur neikvæður um 26 prósent og sölusamdráttur 23 prósent í staðbundinni mynt.

Innri vöxtur var jákvæður um 30 prósent á stoðtækjum samanborið við 21 prósent neikvæðan innri vöxt á öðrum ársfjórðungi 2020. Innri vöxtur var jákvæður um 36 prósent á spelkum og stuðningsvörum samanborið við 32 prósent neikvæðan innri vöxt á öðrum ársfjórðungi síðasta árs.

Rekstrarhagnaður fyrir afskriftir (EBITDA) nam 5,3 milljörðum króna og var 22 prósent af veltu á öðrum ársfjórðungi samanborið við 9 prósent á öðrum ársfjórðungi síðasta árs.

Handbært fé frá rekstri nam 4,7 milljörðum króna eða 20 prósent af veltu á öðrum ársfjórðungi og nam 7,2 milljörðum króna eða 16 prósent af sölu á fyrri helmingi ársins.

Á öðrum ársfjórðungi gekk Össur frá kaupum á fyrirtækjum með alls 1,4 milljarð króna í ársveltu.

Össur hefur uppfært stefnu félagsins um fjármagnsskipan og arðgreiðslur á þá leið að skuldsetningarhluthafllið hefur verið hækkað í 2.0x-3.0x nettó skuldir á móti EBITDA, úr 1.5-2.5x. Skuldsetningarhlutfallið var 3.0x í lok annars ársfjórðungs.

Fjárhagsáætlun fyrir árið 2021 gerir ráð fyrir 10 til 15 prósent innri vexti, 21 til 23 prósent EBITDA framlegð að teknu tilliti til einskiptisliða, 3 til 4 prósent fjárfestingarhlutfalli og virku skatthlutfalli á bilinu 23 til 2 prósent. Eins og stendur gera stjórnendur ráð fyrir að innri vöxtur verði í kring um miðju bilsins.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MAREL
2,14
21
567.132
ARION
0,31
14
230.706
ICESEA
0,3
7
106.956
REITIR
0,14
3
129.886
EIM
0,13
2
1.025

Mesta lækkun dagsins


Félag
Br.%
Fjöldi
Velta*
ISB
-0,92
42
29.829
KVIKA
-0,63
13
241.488
ORIGO
-0,51
2
25.791
SVN
-0,37
7
18.740
ICEAIR
-0,34
45
70.620
Velkomin á Vísi. Þessi vefur notar vafrakökur. Sjá nánar.