Viðskipti erlent

Super Mario leikur seldist á 186 milljónir króna

Hallgerður Kolbrún E. Jónsdóttir skrifar
Leikurinn seldist á meira en 186 milljónir íslenskra króna.
Leikurinn seldist á meira en 186 milljónir íslenskra króna. Heritage Auctions

Óopnað eintak af tölvuleiknum Super Mario 64 seldist á uppboði í gær á rúma 1,5 milljón Bandaríkjadala, eða um 186 milljónir íslenskra króna. Aldrei hefur tölvuleikur selst á svo háu verði áður.

Tölvuleikurinn var sá fyrsti sem framleiddur var fyrir Nintendo 64 tölvu árið 1996 og var einn fyrstu tölvuleikjanna til að vera í þrívídd. Að sögn uppboðshússins, sem fór með sölu leiksins, eru færri en fimm eintök eftir af leiknum í svona góðu ásigkomulagi.

Með sölunni var sett heimsmet fyrir dýrasta tölvuleikinn sem seldur hefur verið en fyrra metið var aðeins tveggja daga gamalt. Upprunalegt eintak tölvuleiksins Legend of Zelda var selt á föstudag fyrir 870 þúsund dollara, eða um 108 milljónir íslenskra króna, og var í þessa tvo daga dýrasti tölvuleikurinn sem selst hefur.

Hvorugur leikjanna er sérstakur hvað varðar leikinn sjálfan, en Nintendo hefur gefið þá báða út fyrir Nintendo Switch tölvuna. Sérkenni þeirra er heldur að þeir séu til í upprunalegri útgáfu og nær óskaddaðir og byggist sérstaða þeirra á því.

Super Mario leikurinn fór í gæðamat hjá tölvuleikjasöfnunarfyrirtækinu Wata og var gefin einkunnin 9.8 A++, sem þýðir að leikurinn væri í nær fullkomnu ásigkomulagi og að hann sé óopnaður. Þessi háa einkunn tryggir ekki hátt söluvirði en getur þó hjálpað til. Annað eintak af Super Mario 64 leiknum seldist líka í gær, og var með einkunnina 9.6 A++ en seldist á aðeins 13.200 dali, eða 1,6 milljónir króna.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
3,12
25
452.643
SJOVA
2,27
25
193.534
ARION
2,16
46
1.361.687
MAREL
2,04
39
582.450
SIMINN
1,85
14
350.533

Mesta lækkun dagsins


Félag
Br.%
Fjöldi
Velta*
SKEL
-2,34
2
3.406
ICESEA
-1,18
7
13.751
BRIM
0
6
15.074
ORIGO
0
4
13.235
EIM
0
9
215.249
Velkomin á Vísi. Þessi vefur notar vafrakökur. Sjá nánar.