Körfubolti

Einn leikmaður er öruggur með hring hvernig sem fer í úrslitaeinvígi NBA

Óskar Ófeigur Jónsson skrifar
Torrey Craig reynir skot í leik með Phoenix Suns.
Torrey Craig reynir skot í leik með Phoenix Suns. AP/Mark J. Terrill

Phoenix Suns og Milwaukee Bucks spila til úrslita um NBA titilinn í ár og fá leikmenn sigurliðsins hinn eftirsótta hring ef þeir vinna titilinn. Einn leikmaður í lokaúrslitunum er öruggur með hring áður en einvígið hefst.

Torrey Craig er leikmaður Phoenix Suns í dag en hann byrjaði tímabilið með Milwaukee Bucks. Bucks skipti honum til Suns 18. mars og fékk ekkert nema peningabætur í staðinn. Milwaukee þurfti að losa pláss í leikmannahópnum sínum eftir að hafa fengið P.J. Tucker frá Houston Rockets.

Craig fær því hring hvort sem hann vinnur titilinn með Phoenix Suns eða hvort hans gömlu félagar í Milwaukee Bucks vinn hann í lokaúrslitunum.

Craig er þrítugutur og 201 sentimetra lítill framherji sem hefur verið í NBA deildinni frá 2017. Hann spilaði í Ástralíu fyrstu árin eftir að hann kláraði háskólakörfuboltann með University of South Carolina Upstate.

Craig var með 2,5 stig í 18 deildarleikjum með Milwaukee Bucks en skoraði 7,2 stig í leik í 32 leikjum með Phoenix Suns i deildarkeppninni. Hann er með 4,4 stig á 12,6 mínútum í leik í úrslitakeppninni.

Fyrsti leikurinn í úrslitaeinvígi NBA-deildarinnar fer fram í kvöld á heimavelli Phoenix Suns. Leikurinn hefst klukkan eitt eftir miðnætti og verður sýndur beint á Stöð 2 Sport 2.


NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.



NBA



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.