Veiði

Fyrstu laxarnir komnir í Soginu

Karl Lúðvíksson skrifar
Fyrsti laxinn úr Soginu í sumar veiddist við Syðri Brú
Mynd: Veida.is fb

Fyrstu laxarnir eru komnir á land í Soginu en það er von unnenda Sogsins að þessi magnaða á sæki í sig veðrið eftir neta uppkaup.

Fyrstu tveir laxarnir sem við vitum af komu á land á efsta svæðinu kennt við Syðri Brú og voru það tveir vænir eins árs laxar, annars þeirra sést á meðfylgjandi mynd og er 86 sm hrygna. Eins höfum við fréttir af einum öðrum laxi á land við Ásgarð en það svæði hefur verið feyknagott í sumar í bleikjuveiði og vonandi verður laxveiðin þar ekki síðri í sumar.

Sogið er án efa ein af magnaðri veiðiám landsins og það verður ákaflega fróðlegt og spennandi að sjá hvernig næstu ár verða í ljósi þess að líklega verður nær öllum löxum sleppt aftur í sumar, fleiri laxar komast í ánna þar sem netin verða fæst til að taka þá á leiðinni upp í ánna og hægt og rólega mun hrygning styrkjast. Þetta er ferli sem getur tekið nokkur ár að koma í jafnvægi en góðum hlutum skal fagna og unnendur Sogsins gera það sannarlega í dag.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.