Tesla opnar tvær nýjar ofurhleðslustöðvar

Kristinn Ásgeir Gylfason skrifar 29. júní 2021 07:01

Tesla Model 3 á hleðslubás við Staðarskála.

Tesla mun opna tvær nýjar ofurhleðslustöðvar á Íslandi. Báðar stöðvar munu vera búnar V3 ofurhleðslutækninni sem getur náð allt að 250kW. Stöðvarnar eru á Kirkjubæjarklaustri og við sölustað Tesla við Vatnagarða í Reykjavík.

Meðfylgjandi er fréttatilkynning frá Tesla.

Stöðin í Vatnagörðum er við þjónustumiðstöð Tesla í Reykjavík og er fyrsta V3 stöðin í Reykjavík. Þar verða þrír ofurhleðslubásar í boði fyrir Tesla eigendur.

Stöðin á Kirkjubæjarklaustri er staðsett nálægt Hótel Klaustri og verða fjórir ofurhleðslubásar í boði fyrir Tesla eigendur.

Tesla heldur áfram að vaxa hratt á Íslandi og við teljum að öflugar, notendavænar hleðslustöðvar séu lykilskref í þá átt að gera fólki kleift að skipta yfir í rafbíla.

Fleiri ofurhleðslustöðvar í farvatninu

Tesla er með fimm hleðslustöðvar á Íslandi, að Vatnagörðum og Kirkjubæjarklaustri meðtöldum. Tesla er með metnaðarfull plön um uppbyggingu hleðsluinnviða á Íslandi. Tesla mun opna fleiri ofurhleðslustöðvar á Íslandi með endanlegt markmið um að öll helstu sveitarfélög og áfangastaðir muni verða aðgengilegir fyrir Tesla bifreiðar.

Tesla Model 3 og regnbogi.Vilhelm Gunnarsson

Næsta kynslóð ofurhleðslustöðva

V3 ofurhleðslustöðvar geta náð allt að 250kW , sem þýðir enn skemmri hleðslutíma. Model 3 í Long Range útgáfu getur náð allt að 120 km. drægni á um fimm mínútum í V3 ofurhleðslustöð.

V3 ofurhleðslustöðvar í Evrópu nota eingöngu CCS tengi. Allir Model 3 bílar koma með CCS tengi. Model S og Model X eigendur geta notað nýjar hleðslustöðvar með millistykki, sem hefur fylgt öllum Model S og Model X síðan í maí 2019.

Vistvænir bílar Tesla

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.