Viðskipti innlent

Aðeins tvö útibú Arion banka eftir á höfuðborgarsvæðinu

Hallgerður Kolbrún E. Jónsdóttir skrifar
Arion banki hefur lokað útibúi sínu í Kringlunni.
Arion banki hefur lokað útibúi sínu í Kringlunni. Vísir/Atli

Aðeins tvö útibú Arion banka eru eftir á höfuðborgarsvæðinu en útibú bankans í Kringlunni lokaði á dögunum. Ekki er langt um liðið frá því að útibú Arion banka að Borgartúni 18 lokaði en þar er starfsendurhæfingarsjóður VIRK nú til húsa.

Nú eru því aðeins útibú bankans við Smáratorg og Bíldshöfða eftir á höfuðborgarsvæðinu, auk Fyrirtækjatorgs bankans við Borgartún 19.

Bæði útibú bankans í Kringlunni og við Borgartún 18 lokuðu tímabundið þegar kórónuveirufaraldurinn skall á en hvorugt útibúanna hefur opnað síðan þá.

Óvíst er hvað mun opna í fyrrverandi húsnæði bankans í Kringlunni en hraðbankarnir sem þar voru hafa verið færðir til og eru nú staðsettir fyrir utan World Class í Kringlunni.

Íslenskir bankar Kringlan Reykjavík


Mest lesið


Fleiri fréttir

Sjá meira


×

Mest lesið