Tónleikahöllin Húrra opnar dyr sínar á ný Hallgerður Kolbrún E. Jónsdóttir skrifar 23. júní 2021 12:00 Það má segja að búið sé að endurheimta Húrra-andann. Aðsend Vafalaust hafa margir tónlista- og skemmtanahaldsunnendur saknað skemmtistaðarins Húrra, sem lokaði dyrum sínum formlega haustið 2019. Nú geta þeir glaðst á ný en Húrra mun opna dyr sínar í sumar og boðar rekstrarstjóri staðarins mikið líf á þessum hornsteini skemmtanahalds í Reykjavík. Margir staðir hafa verið reknir í húsnæðinu í Naustinni, þar á meðal Gaukur á stöng, Bakkus, Harlem, Húrra, Þýski barinn, Húrra aftur og Gummi Ben bar. Magnús Bjarni Gröndal, rekstrarstjóri Gauksins og Húrra, segir í samtali við Vísi að gamli góði Húrra muni bjóða gesti velkominn fljótlega á ný. „Við ætlum að enduropna gamla góða Húrra og þetta verður núna sama rekstrarbatteríið og er að reka Gaukinn þannig að það verður tenging á milli staðanna. Þetta verður tónleikahöllin í miðbæ Reykjavíkur,“ segir Magnús. Verið er að leggja lokahönd á staðinn og segir Magnús að nú liggi á að gæta þess að allt verði eins og það á að vera þegar dyrnar opnast formlega. Það líður ekki á löngu þar til skemmtistaðurinn Húrra verður opnaður að nýju.Aðsend „Gamli góði andinn verður yfir þessu og við erum í raun að hugsa um að opna Húrra eins og hann var upp á sitt besta. Við erum að horfa á að þetta verði tónleikastaður og viðburðastaður. Hljóðhátíð í Eyrum um verslunarmannahelgi Hann segir að margir hafi séð eftir Húrra þegar hann lokaði og það hafi verið kjaftshögg að missa enn einn tónleikastaðinn úr miðbæ Reykjavíkur. „Þeir eru nú ekki margir eftir. Og nú, þegar Gaukurinn og Húrra haldast í hendur, er loksins komið almennilegur vettvangur þar sem við getum boðið upp á lifandi tónlist á þremur hæðum,“ segir Magnús. Áætlunin er að opna staðinn á næstu vikum og svo verður það prufukeyrt að hafa opið á milli Gauksins og Húrra um verslunarmannahelgina, á nýrri tónlistarhátíð á vegum skemmtistaðanna. Þá sé framtíðartsýnin að innangengt verði af Gauknum, sem er á horni Naustarinnar og Tryggvagötu, á Húrra. „Við erum að plana mjög stóra hátíð um verslunarmannahelgina sem heitir Hljóðhátíð í Eyrum og þá ætlum við að prufukeyra að vera með tónleika á öllum hæðum og fólk getur labbað innanhúss á milli allra staðanna. Þá ætlum við að sýna það að þetta er tónleikahöllin í miðbæ Reykjavíkur.“ Mikil vinna hefur farið í að mála staðinn upp á nýtt og færa hann aftur í gamalt horf.Aðsend Meðal þeirra listamanna sem munu stíga á svið á Hljóðhátíð í Eyrum eru Skoffín, Ottoman, Mighty Bear, Ólafur Kram, Ceasetone, Kælan Mikla, Volcanova, Vitage Caravan, Aragrúi, Lucy in Blue, Ásta, Flavor Fox, Supersport, Alchemia og Ari Árelíus. „Hljóðhátíð í Eyrum verður fyrsta skiptið sem við ætlum að prufa húsið í fullri mynd en við stefnum á að opna Húrra mjög fljótlega og áhugasamir geta fylgst með okkur á samfélagsmiðlum með það en Hljóðhátíðin verður prufukeyrslan á þessu konsefti: að þetta verði eitt stórt batterí.“ Endurkoma Gauks á stöng? „Í raun og veru verður þetta sama stemning og var á gamla Gauk á stöng en það verða mismunandi áherslupunktar á stöðunum af því að Gaukurinn er búinn að vera tónleikastaður í öll þessi hundrað ár og gefur sig út fyrir að vera tónlistarstaður sem er Queer-friendly staður og er með dragsýningar og fleira,“ segir Magnús. Húrra veðri meiri partý- og dansstaður. „Húrra verður meira með tónleika og meira partý og svo erum við að stefna á að það verði smá teknó-klúbbur í kjallaranum. Það verður ekkert rosalega stórt en við höfum prufukeyrt alls konar beinar útsendingar þarna niðri og þetta býður upp á mikla möguleika á að gefa danstónlistarsenunni á Íslandi smá heimili.“ Hér má sjá dansgólfið og sviðið sem búið er að skreyta. Aðsend Þegar gamla Húrra var breytt í íþróttakrána Gummi Ben sportsbar var málað yfir listaverk, sem voru upp um alla veggi og súlur á staðnum. Húrraunnendur þurfa þó ekki að örvænta en mikil vinna hefur farið í að skvetta litaverkum upp um alla veggi á nýja skemmtistaðnum. „Við fórum í það og erum búnir að vera í því núna, í gegn um allt Covid, að gera þetta eins mikið að gamla Húrra eins og það var. Við vildum auðvitað betrumbæta líka í leiðinni en allur tónleikasalurinn er þakinn verkum eftir íslenska listamenn og það verður mjög lifandi rými hvað varðar lita, bæði myndlist, tónlit og annað. Við tókum það alveg í gegn og viljum menningarsetrið Húrra aftur.“ Hann segir fólk ekki þurfa að bíða lengi eftir að geta heimsótt Húrra að nýju. „Það er engin föst dagsetning eins og er en hún er mun nær en fólk heldur þannig að það styttist óðfluga í þetta.“ Reykjavík Næturlíf Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segja markaðstorg blóðmjólka fyrirtæki Viðskipti innlent Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Hver verður Iðnaðarmaður ársins 2024 - kosning Samstarf Rauf sátt vegna Max-málsins og gæti átt yfir höfði sér refsimál Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Fyrsta flugi Icelandair til Pittsburgh fagnað Viðskipti Base parking gjaldþrota Viðskipti innlent Fleiri fréttir Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Sjá meira
Margir staðir hafa verið reknir í húsnæðinu í Naustinni, þar á meðal Gaukur á stöng, Bakkus, Harlem, Húrra, Þýski barinn, Húrra aftur og Gummi Ben bar. Magnús Bjarni Gröndal, rekstrarstjóri Gauksins og Húrra, segir í samtali við Vísi að gamli góði Húrra muni bjóða gesti velkominn fljótlega á ný. „Við ætlum að enduropna gamla góða Húrra og þetta verður núna sama rekstrarbatteríið og er að reka Gaukinn þannig að það verður tenging á milli staðanna. Þetta verður tónleikahöllin í miðbæ Reykjavíkur,“ segir Magnús. Verið er að leggja lokahönd á staðinn og segir Magnús að nú liggi á að gæta þess að allt verði eins og það á að vera þegar dyrnar opnast formlega. Það líður ekki á löngu þar til skemmtistaðurinn Húrra verður opnaður að nýju.Aðsend „Gamli góði andinn verður yfir þessu og við erum í raun að hugsa um að opna Húrra eins og hann var upp á sitt besta. Við erum að horfa á að þetta verði tónleikastaður og viðburðastaður. Hljóðhátíð í Eyrum um verslunarmannahelgi Hann segir að margir hafi séð eftir Húrra þegar hann lokaði og það hafi verið kjaftshögg að missa enn einn tónleikastaðinn úr miðbæ Reykjavíkur. „Þeir eru nú ekki margir eftir. Og nú, þegar Gaukurinn og Húrra haldast í hendur, er loksins komið almennilegur vettvangur þar sem við getum boðið upp á lifandi tónlist á þremur hæðum,“ segir Magnús. Áætlunin er að opna staðinn á næstu vikum og svo verður það prufukeyrt að hafa opið á milli Gauksins og Húrra um verslunarmannahelgina, á nýrri tónlistarhátíð á vegum skemmtistaðanna. Þá sé framtíðartsýnin að innangengt verði af Gauknum, sem er á horni Naustarinnar og Tryggvagötu, á Húrra. „Við erum að plana mjög stóra hátíð um verslunarmannahelgina sem heitir Hljóðhátíð í Eyrum og þá ætlum við að prufukeyra að vera með tónleika á öllum hæðum og fólk getur labbað innanhúss á milli allra staðanna. Þá ætlum við að sýna það að þetta er tónleikahöllin í miðbæ Reykjavíkur.“ Mikil vinna hefur farið í að mála staðinn upp á nýtt og færa hann aftur í gamalt horf.Aðsend Meðal þeirra listamanna sem munu stíga á svið á Hljóðhátíð í Eyrum eru Skoffín, Ottoman, Mighty Bear, Ólafur Kram, Ceasetone, Kælan Mikla, Volcanova, Vitage Caravan, Aragrúi, Lucy in Blue, Ásta, Flavor Fox, Supersport, Alchemia og Ari Árelíus. „Hljóðhátíð í Eyrum verður fyrsta skiptið sem við ætlum að prufa húsið í fullri mynd en við stefnum á að opna Húrra mjög fljótlega og áhugasamir geta fylgst með okkur á samfélagsmiðlum með það en Hljóðhátíðin verður prufukeyrslan á þessu konsefti: að þetta verði eitt stórt batterí.“ Endurkoma Gauks á stöng? „Í raun og veru verður þetta sama stemning og var á gamla Gauk á stöng en það verða mismunandi áherslupunktar á stöðunum af því að Gaukurinn er búinn að vera tónleikastaður í öll þessi hundrað ár og gefur sig út fyrir að vera tónlistarstaður sem er Queer-friendly staður og er með dragsýningar og fleira,“ segir Magnús. Húrra veðri meiri partý- og dansstaður. „Húrra verður meira með tónleika og meira partý og svo erum við að stefna á að það verði smá teknó-klúbbur í kjallaranum. Það verður ekkert rosalega stórt en við höfum prufukeyrt alls konar beinar útsendingar þarna niðri og þetta býður upp á mikla möguleika á að gefa danstónlistarsenunni á Íslandi smá heimili.“ Hér má sjá dansgólfið og sviðið sem búið er að skreyta. Aðsend Þegar gamla Húrra var breytt í íþróttakrána Gummi Ben sportsbar var málað yfir listaverk, sem voru upp um alla veggi og súlur á staðnum. Húrraunnendur þurfa þó ekki að örvænta en mikil vinna hefur farið í að skvetta litaverkum upp um alla veggi á nýja skemmtistaðnum. „Við fórum í það og erum búnir að vera í því núna, í gegn um allt Covid, að gera þetta eins mikið að gamla Húrra eins og það var. Við vildum auðvitað betrumbæta líka í leiðinni en allur tónleikasalurinn er þakinn verkum eftir íslenska listamenn og það verður mjög lifandi rými hvað varðar lita, bæði myndlist, tónlit og annað. Við tókum það alveg í gegn og viljum menningarsetrið Húrra aftur.“ Hann segir fólk ekki þurfa að bíða lengi eftir að geta heimsótt Húrra að nýju. „Það er engin föst dagsetning eins og er en hún er mun nær en fólk heldur þannig að það styttist óðfluga í þetta.“
Reykjavík Næturlíf Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segja markaðstorg blóðmjólka fyrirtæki Viðskipti innlent Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Hver verður Iðnaðarmaður ársins 2024 - kosning Samstarf Rauf sátt vegna Max-málsins og gæti átt yfir höfði sér refsimál Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Fyrsta flugi Icelandair til Pittsburgh fagnað Viðskipti Base parking gjaldþrota Viðskipti innlent Fleiri fréttir Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Sjá meira