Lífið

Mælir með því að nota gerviblóm á pallinum

Sylvía Rut Sigfúsdóttir skrifar
Vala Matt heimsótti Þórunni Högnadóttur í nýjasta þættinum af Ísland í dag.
Vala Matt heimsótti Þórunni Högnadóttur í nýjasta þættinum af Ísland í dag. Ísland í dag

Stílistinn Þórunn Högnadóttir fer oft ótroðnar slóðir við að skreyta heimilið og umhverfið sitt sem gaman er að fylgjast með og hefur hún sýnt meðal annars hvernig hægt er að breyta ýmsu tengt heimilum á ódýran hátt.

Vala Matt og Ísland í dag heimsóttu Þórunni og fengu að skoða pallinn hjá henni. Þurfum við að vera með lifandi blóm á pallinum eða svölunum? Getum við ekki bara verið með falleg gerviblóm sem hægt er að setja út á hverju sumri og aldrei neitt stress?

Þórunn er nú að gera tilraunir með að nota eingöngu gerviblóm á pallinn hjá sér, sem mörgum finnst eflaust skrítið en það getur komið þrælvel út. Auðvitað er það líka mjög þægilegt því blómin þarf ekkert að hugsa um og þola öll veður. Hún mælir með því að fólk taki gerviblómin sín út yfir sumartímann. 

„Þau eru alltaf græn og geta alveg verið úti á palli eins og inni,“ segir Þórunn. Hún blandar saman útiblómum, mosa, gerviblómum og afskornum blómum á sínum eigin palli. 

Vala skoðaði einnig hjá Þórunni mjög skemmtilegt heimasmíðað matarborð sem gert var úr sama efni og pallurinn og fleira sumarlegt og skemmtilegt. Innslagið má sjá í spilaranum hér fyrir neðan. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.